Urutonde rushya rwashyizwe ahagaragara na 4icu, Ishuri mpuzamahanga rikunze gukora ubushakashatsi ku ireme ry’uburezi, rugaragaza ko kaminuza 100 Muri Afurika, nta kaminuza nimwe yo mu Rwanda irimo.

Inkuru y’urubuga afterschoolafrica igaragaza ko kaminuza 100 zihiga izindo muri Afurika, ziganjemo izo muri Afurika y’Epfo ndetse no mu gihugu cya Misiri.

Igihugu cya Afurika y’epfo gifitemo kaminuza zigera kuri 6, muri izi hakaba harimo kaminuza ya Cape Town ari nayo iza ku mwanya wa mbere.

Izindi enye ni izo mu Misiri zarimo kaminuza ya Cairo iza ku mwanya wa kane kuri uru rutonde. Ibi bihugu 2 bikaba byihariye icumi za mbere kuri uru rutonde.

Uru rutonde nta kaminuza yo mu Rwanda irugaragaraho gusa muri aka karere ka Afurika y’Uburasirazuba hagaragaramo kaminuza ebyiri zo mu gihugu cya Kenya, imwe yo muri Tanzania ndetse n’indi yo mu gihugu cya Uganda.

Bivuze ko u Rwanda n’u Burundi bidafite za kaminuza ku rutonde rw’ijana za mbere muri Afurika.

Uru Urutonde rw’izi kaminuza rukorwa hagendewe ku ireme ry’uburezi zitanga, amahugurwa ahabwa abanyeshuri, n’ubushakashatsi abarimu bazo bakora.

Mu bindi bigenderwaho harimo imirimo abazizemo bafite mu bigo bikomeye mu bihugu byabo no ku Isi.