Leta y’u Rwanda ishaka gufungura ambasade muri Zambia no gutangiza ingendo z’indege muri icyo gihugu.

Umunyamabanga uhoraho muri Minisiteri y’Ububanyi n’amahanga ya Zambia, George Zulu yabwiye ikinyamakuru Zambia Daily Mail ko hagitegerejwe ko leta y’u Rwanda n’iya Zambia bibishyira ku mugaragaro.

Zulu yavuze ko hari hashize iminsi bifuza ko u Rwanda rwafungura muri Zambia kompanyi y’indege .

Ati” Twebwe nka Minisiteri y’Ububanyi n’Amahanga twari tumaze igihe twifuza ko leta y’u Rwanda igirana ibiganiro na minisiteri y’ibikorwa remezo ikemererwa gufungura kopanyi y’indege.”

Avuga ko ibi bizoroshya ibikorwa by’ubucuruzi hagati y’ibihugu byombi.