Umuvugizi wa Polisi yo mu Karere ka Kyoga, Patrick Jimmy Okema, mu mpera z’iki cyumweru yavuze ko bakiriye amakuru y’iryo sanganya avuye mu baturage bo muri Akokoro.

Yavuze ko nyuma y’ibikorwa byo gushakisha, imirambo ibiri yaje kugaragara mu gihuru. Abapfuye ni Santa Olya w’imyaka 50 na Harriet Angwech wa 45 bikaba bivugwa ko bari bagiye gutema ibyatsi no gutora inkwi ahitwa Muruzi nk’uko Chimpreports ibivuga.

Kugira ngo bapfe bari bari mu kazu bari bakambitsemo by’agategayo mu gihe bari muri iyo mirimo. Ubwo inkongi yatangiraga ngo umwotsi wakwiriye hose babura icyerekezo cyo guhunga bituma bahira aho bari kugeza bapfuye.