Biteganyijwe ko Papa Francis azagera muri iki gihugu tariki ya 27 Ugushyingo 2015 akazasoza uruzinduko rwe tariki ya 29 uku kwezi.

Itangazo ryashyizwe ry’Umunyamabanga mukuru w’Inama y’Abepiskopi muri Uganda, Msgr. John Baptist Kauta rigaragaza ko azamara iminsi itatu muri iki gihugu.

Iri tangazo rigaragaza ingengabihe uko yakabaye n’ibikorwa bigera kuri 12 Papa Francis azakora mu duce dutandukanye natwo tugera ku munani.

Inkuru dukesha New Vision ivuga ko bikorwa bizaranga uruzinduko rwe birimo kugirana ibiganiro n’abayobozi ba Uganda ndetse n’abadipolomate, gusura irimbi ry’abahowe Imana b’i Bugande ahitwa i Namugongo, kugirana ibiganiro n’abakuru b’idini gatolika, abarimu n’anandi.