Ikinyamakuru The New Vision kivuga ko ibyo biganiro byatangiye nyuma y’icyegeranyo cyagaragaeje imibereho mibi y’imfungwa cyakozwe na Komisiyo ishinzwe uburenganzira bwa muntu muri Uganda.

Gereza zo muri Uganda zirangwamo ubucucike bukabije

Umwe mu badepite, Rose Akello, yashimangiye ko ubutinganyi bumaze gufata indi ntera muri gereza zo muri icyo gihugu kubera abagororwa babuzwa uburenganzira bwo gukorana imibonano mpuzabitsina n’abo bashakanye.

Mu mwaka ushize,komiseri mukuru ushinzwe gereza muri Uganda, Dr. Johnson Byabasaija ntiyemeranyaga n’ababishyigikiye kuko asanga byakongera uburumbuke muri za gereza, ingengo y’imari itangwa izitangwaho ikiyongera.

Ibihugu nka Espagne, Arabie Saoudite, Brazil, Australia, Canada, Denmark n’u Budage byemerera abagororwa babo kuba basurwa n’abafasha babo bakamarana umwanya uhagije banabaha rugari bagatera akabariro.

Muri ibyo bihugu, abasurwa n’abafasha babo bafite ibyumba byabugenewe bahurira mo.

Uganda iri mu bihugu bifite ubucucike bw’imfungwa, ubushakashatsi bwagaragaje, gereza yagenewe abagororwa 15 000 ifungirwamo 38 000.