Ikigo cy’Igihugu cy’Igenamigambi cya Uganda (NDP) kirifuza abanyeshuri barangije amashuri atandatu yisumbuye bazajya bamara amezi umunani bahabwa imyitozo ya gisirikare bakamara andi mezi 12 bahabwa amasomo atandukanye y’ubumenyingiro.

Nk’uko The New Vision yabitangaje, Umuyobozi wa NDP, Moses Dhizaala, yatangaje mu cyumweru gishije ko iyo gahunda yateza imbere gukorera igihugu binyuze mu ndangagaciro z’igihugu, ubumenyi mu myuga, no gukunda igihugu mu rubyiruko.

Uyu mushinga wa NPD niwemezwa n’Inama y’Abaminisitiri, buri Mugande urangije amashuri yisumbuye muri Uganda azajya amara imyaka ibiri mu ngando.

Dhizaala yakomeje avuga ko urubyiruko nirujya runyura ku rugerero, igihugu kizaba gifite abasirikare bajijutse.

Uretse muri Uganda, mu bihugu nka Israel, Eritrea n’u Bushinwa abanyeshuri barangije amashuri yisumbuye babanza gukora imirimo y’ubwitange mbere yo kujya muri Kaminuza.

No mu Rwanda, abanyeshuri bose barangije amashuri yisumbuye banyura mu Itorero mu gihe kitageze ku kwezi, bagatozwa indagagaciro nyuma bagakora mu gihe gito imirimo y’ubwitange bikitwa ‘kujya ku rugerero’.

Mu Buholandi ho, nmi itegeko kunyura mu myitozo ya gisirikare.kuri buri muhungu wese uri hejuru y’imyaka 18.

[email protected]