BBC yanditse ko Bobi Wine yari kugeza ku baturage imigabo n’imigambi afitiye abanya-Uganda, gusa polisi yaje kuburizamo iki gikorwa irasa ibyuka biryana mu maso abaturage. Bobi Wine ni umwe mu bahanzwe amaso mu matora y’umukuru w’igihugu ateganyijwe mu 2021.

Umuvugizi wa Polisi ya Uganda, Fred Enanga, yavuze bashinja Bobi Wine gukoresha inama itemewe n’amategeko no gusuzugura amategeko agenga umutekano.

Si ubwa mbere polisi iburizamo ibikorwa Bobi Wine aba yateguye dore ko hari ibitaramo byinshi uyu munyapolitiki akaba n’umuhanzi yateguraga bigakomwa mu nkokora.

Perezida Yoweri Museveni umaze imyaka 33 ku butegetsi ndetse akaba ateganya no kongera kwiyamamaza, yagiye agaragara mu bikorwa byo guhutaza no kwigizayo abatavuga rumwe nawe, aho bagiye bafungwa abandi bagahohoterwa bikomeye.

Amapine y'imodoka yatwitswe nyuma y'itabwa muri yombi rya Bobi Wine

Bobi Wine ubwo yarajyanywe kuri sitasiyo ya polisi ya Nagarama

Byari amarira ku baturage

Polisi yateye abaturage ibyuka biryana mu maso