Twitter yatangaje ko konti zafunzwe zagaragaye mu bikorwa ‘biteguwe neza’ byumvikanisha ko byarimo akaboko ka Leta cyangwa Perezida Museveni ubwe.

Uretse muri Uganda, Twitter yafunze konti 268 zo muri Tanzania, 50 zo muri Libya, 16 zo mu Burusiya, 276 zo muri Mexique, 277 zo muri Venezuela n’izirenga 2000 zo mu Bushinwa.

Ibi bije nyuma y’uko ikigo cya Meta, kigenzura imbuga nka WhatsApp, Facebook na Instagram, gitangaje ko cyafunze konti zigera kuri 500 mu Bushinwa.

Muri rusange, ibigo by’imbuga nkoranyambaga bimaze iminsi ku gitutu cyo kugenzura no guhangana n’ibikorwa byo gukwirakwiza amakuru y’ibinyoma bishobora no gukorwa n’inzego zirimo iza Leta z’ibihugu hagamijwe inyungu runaka.

Twitter yafunze konti 418 zigamije kwamamaza Museveni mu buryo butanyuze mu mucyo