Amakuru y’urupfu rwa Maj Gen Francis Takirwa yamenyekanye ku wa 7 Gashyantare 2026.

Chimpreports yanditse ko amakuru cyayakuye mu buyobozi bw’ingabo z’iki gihugu ahamya ko Maj Gen Takirwa yitabye Imana ahagana saa kumi n’ebyiri aguye mu bitaro bya Mbuya.

Bivugwa ko uyu musirikare yazize indwara ya stroke.

Maj. Gen Takirwa yinjiye mu Ngabo za Uganda mu 1989 ndetse yagiye ahabwa inshingano zitandukanye muri iki gisirikare.

Yabaye Umuyobozi wa Diviziyo ya Kabiri iherereye mu gace ka Mbarara ko mu Burengerazuba bwo muri iki gihugu.

Yanabaye Umuyobozi ushinzwe ibijyanye n’Uburezi, Umuco na Siporo muri UPDF ndetse n’izindi nshingano zitandukanye.

Gen Takirwa ni umwe mu basirikare Uganda yohereje mu butumwa bwo kugarura amahoro muri Somalia mu 2011 no mu 2012.

Maj Gen Takirwa wari usanzwe ari Umugaba wungirije w’Ingabo zirwanira ku butaka za Uganda yapfuye yishwe n’uburwayi