Amakuru y’urupfu rwe yatangajwe na Bobi Wine, ko imodoka ya gisirikare ifite pulake H4DF 2382 yagonze umurinzi we wari uzwi ku izina rya Frank.

Frank yagonzwe ari kumwe na Bobi Wine ubwo bari bakuye umunyamakuru Kasirye Ashraf i Masaka bamujyanye mu bitaro bikuru i Kampala kugira ngo ahabwe ubuvuzi bwisumbuye nyuma y’ibikomere by’amasasu yatewe n’inzego z’umutekano.

Robert Kyagulanyi wamenyekanye nka Bobi Wine, ahataniye na Yoweri Museveni kuzayobora Uganda mu matora azaba tariki ya 14 Mutarama 2021.

I regret to announce the murder of my security team member Francis Senteza Kalibala aka Frank. He was deliberately ran over by military-police truck, No. H4DF 2382 which blocked us in Busega on our way to Rubaga to get Kasirye Ashraf emergency medical attention.

What a day! pic.twitter.com/SmdTcUjC6g

— BOBI WINE (@HEBobiwine) December 27, 2020

Francis Senteza Kalibala yapfuye nyuma yo kugongwa n'imodoka y'abashinzwe umutekano