Mu cyumweru gishize nibwo Amerika yahamagaje abakozi bayo babaga mu Burundi kubera imvururu za politiki ziharangwa no kwirinda ko bagabwaho ibitero by’iterabwoba.

Ikinyamakuru USA TODAY cyatangaje ko izo ngabo zirwanira mu mazi zoherejwe mu cyumweru gishize ngo zongere uburinzi kuri Ambasade y’Amerika iri mu Burundi. Mu buryo bw’ibanga, Umuyobozi mu gisirikare cya Leta Zunze Ubumwe z’Amerika yavuze ko izi ngabo zoherejwe ariko ko batari bemerewe kubitangaza.

Amerika iheruka kuburira abaturage bayo kudatemberera mu Burundi.

Hashize iminsi mu Burundi haburijwemo umugambi wo guhirika ku butegetsi Perezida Pierre Nkurunziza. Kuri uyu wa mbere, yahise avugurura Guverinoma ahereye kuri Minisiteri y’ingabo wasimbujwe.