Umwe mu bakozi b’icyo kigo, Namati Nshika yavuze ko abafashwe barimo abo muri Repubulika Iharanira Demokarasi ya Congo, u Burundi n’u Rwanda.

Yavuze ko harimo Abanyekongo icyenda , Abanyarwanda bane n’Umurundi, bose batari bafite ibyangombwa bibemerera gutura muri icyo gihugu.

Ati” Abanyarwanda babiri nta byangombwa bari bafite , umwe yari afite icyemezo cy’ubuhunzi cyataye igihe, undi afite icyemezo kimwemerera kwinjira mu gihugu cy’igihimbano.”

Yanavuze ko bafashe Umufaransakazi ufite inkomoko mu Rwanda kuko atubahirije ibigenwa n’icyemezo cy’akazi ke.

Kantamage Leonille, w’imyaka 63 wari afite icyemezo cy’uko ari umukorerabushake w’umuryango Amizero International Development Foundation bamusanze acuruza inzoga.

Abandi bafashwe ni Abanyatanzaniya bane barimo batatu badafite ibyangombwa n’undi umwe warengeje igihe yari yemerewe kuba muri Zambia.