Ni politiki Mugabe yari yaratangije igamije guca icyo yise akarengane kakozwe n’abakoloni, aho ubutaka bwambuwe abirabura bugahabwa abazungu.

Kwambura ubutaka abazungu byateranyije Mugabe n’ibihugu by’i Burayi ndetse afatirwa ibihano bikomeye, bigishegesha Zimbabwe kugeza ubu.

Zimbabwe yatangaje ko kugira ngo yongere gusubiza agaciro ubuhinzi, yasanze ari ngombwa guha impozamarira abo bahinzi bagizweho ingaruka no kwamburwa ubutaka.

Mu bazahabwa izo ndishyi harimo abazungu bakomoka mu bihugu nk’u Bubiligi n’u Budage ndetse n’abanya-Zimbabwe basaga 400, nkuko RFI yabitangaje.