Bwa mbere mu mateka, kuri uyu wa mbere tariki ya 16 Ukwakira 2012 Banki Nyafurika y’Iterambere (BAD) yafunguye ku mugaragaro ishami mu murwa mukuru w’u Buyapani i Tokyo.

Inkuru dukesha Jeunefarique, ivuga ko ifungurwa rya BAD mu Buyapani rije ryabaye nyuma y’inama rusange zitandukanye umuyobozi wayo Donald Kaberuka aherutse kugirira ku Kigega Mpuzamahanga cy’Imari(FMI).

Mu ijambo yavugiye mu muhango nyirizina, Kaberuka yagize ati “iri shami rigamije gushimangira ubukungu hagati y’Akarere k’ubucuruzi ka Afurika na Aziya nk’uko iyi migabane yiyemeje ubufatanye mu mishinga y’iterambere itandukanye.”

Nyuma gufungura iri shami, Donald Kaberuka yerekeje muri Koreya y’Amajyepfo mu rugendo rw’akazi.