00:00:00 IGIHE NETWORK KN KINYARWANDA EN ENGLISH FR FRANCAIS

DRC: Bamwe mu bari bahunze batashye, M23 irasatira Goma

Yanditswe na

Maisha Patrick

Kuya 17 November 2012 saa 03:46
Yasuwe :

Nyuma y’imirwano yashyamiranyije ingabo za Leta ya Congo Kinshasa FARDC n’umutwe wa M23 ku wa kane ushize, abari bahunze basubiye mu bice bari bavuyemo byigaruriwe na M23.
Muri bo hari abo mu gace ka Gasizi n’umusozi wa Hehu, abaturage baho bakaba barabwiye IGIHE ko umutekano wabo uhagaze neza.
Imirwano yo ku wa kane yatumye M23 yambura agace ka Kibumba kariho iyi misozi yombi (Hehu na Gasizi), ubu imirwano ikaba ikomeje M23 isatira Umujyi wa Goma. Ubu ibilometero 10 ni byo bitandukanya (...)

Nyuma y’imirwano yashyamiranyije ingabo za Leta ya Congo Kinshasa FARDC n’umutwe wa M23 ku wa kane ushize, abari bahunze basubiye mu bice bari bavuyemo byigaruriwe na M23.

Muri bo hari abo mu gace ka Gasizi n’umusozi wa Hehu, abaturage baho bakaba barabwiye IGIHE ko umutekano wabo uhagaze neza.

Imirwano yo ku wa kane yatumye M23 yambura agace ka Kibumba kariho iyi misozi yombi (Hehu na Gasizi), ubu imirwano ikaba ikomeje M23 isatira Umujyi wa Goma. Ubu ibilometero 10 ni byo bitandukanya M23 n’Umujyi wa Goma.

Abaturage bari bahungiye mu Rwanda basubiye mu byabo. Aba basubiye iwabo batangarije IGIHE bati “Twagarutse tuje kureba niba twabona ibyo kurya kuko mu Rwanda twari tubayeho nk’impunzi, dusanga hari umutekano dufata icyemezo cyo kwigumira mu ngo zacu kuko ingabo twahasanze zatwakiriye neza.”

Twabajije uwitwa Sindayigaya Flolibert niba imirwano ntacyo yangije, avuga ko haba ku ruhande rwa leta n’urwa M23 batigeze bahutaza abaturage uretse kuburana n’imiryango yabo kubera amasasu menshi yavugaga.

Sindayigaya yakomeje avuga ko intambara itaratangira muri aka gace abasirikari ba Leta bari babamazeho amatungo bayarya, ngo uvuze agakubitwa bahitamo guceceka.

Gusa aba baturage baracyafite ubwoba kubera uburyo impande zombi zirebana, bagakeka ko imirwano ishobora gukomeza.

Ntibyoroshye kumenya ukuri ku by’iyi mirwano yongeye kubura nyuma y’igihe kigera ku mezi atatu yari imaze yarahagaze. Umuvugizi w’ingabo za Leta muri Kivu kuri uyu wa gatanu yabwiye BBC ko ingabo za Leta zaganje abarwanyi ba M23 zibicamo abagera ku 100, M23 na yo ikaba ivuga ko ikataje igana i Goma. Umunyamakuru wa IGIHE ukurikiranira hafi iyi mirwano avuga ko ingabo za M23 ziri mu bilometero bike n’Umujyi wa Goma.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .