00:00:00 IGIHE NETWORK KN KINYARWANDA EN ENGLISH FR FRANCAIS

Loni irasabira ibihano M23

Yanditswe na

Emile Nsabimana

Kuya 21 November 2012 saa 12:22
Yasuwe :

Mu nama yabaye igitaraganya kuri uyu wa kabiri, ibihugu bigize Akanama k’umutekano ka Loni uko ari 15 byashyigikiye mu buryo budasubirwaho umwanzuro usabira ibihano abakuru b’umutwe wa M23 hamwe n’ababatera inkunga bo hanze ya Congo.
Ibi bibaye nyuma y’aho kuri uyu wa kabiri taliki ya 20 Ugushyingo ingabo za M23 zifatiye Umurwa Mukuru w’Intara ya Kivu y’Amajyaruguru ari wo Goma.
N’ubwo Loni itagaragaje abatera inkunga M23, BBC dukesha iyi nkuru ivuga ko akanama gashinzwe umutekano kasabye (...)

Mu nama yabaye igitaraganya kuri uyu wa kabiri, ibihugu bigize Akanama k’umutekano ka Loni uko ari 15 byashyigikiye mu buryo budasubirwaho umwanzuro usabira ibihano abakuru b’umutwe wa M23 hamwe n’ababatera inkunga bo hanze ya Congo.

Ibi bibaye nyuma y’aho kuri uyu wa kabiri taliki ya 20 Ugushyingo ingabo za M23 zifatiye Umurwa Mukuru w’Intara ya Kivu y’Amajyaruguru ari wo Goma.

N’ubwo Loni itagaragaje abatera inkunga M23, BBC dukesha iyi nkuru ivuga ko akanama gashinzwe umutekano kasabye Umunyamabanga Mukuru wayo Ban Ki-Moon kugaragaza mu gihe gito ibihugu bitera inkunga M23.

Hagati aho Ban Ki-Moon yatangaje ko ingabo za LONI zishinzwe kubungabunga amahoro muri Congo zigomba kuguma mu Mujyi wa Goma.

Umuvugizi wa Loni yasobanuye ko ingabo za MONUSCO zirinze kurasa ubwo M23 yafataga Goma, "kugira ngo uburemere bw’ikibazo cy’iyi ntambara butiyongera bigatuma abasivile babigenderamo.”

Mu gihe ibibazo by’intambara mu Burasirazuba bwa Repubulika Iharanira Demokarasi ya Congo (RDC) bikomeje kuvugwaho cyane mu rubuga mpuzamahanga, umukuruwa RDC Joseph kabila ari i Kampala muri Uganda kugira ngo aganire na bagenzi be Yoweri Kaguta Museveni wa uganda na Paul Kagame ku buryo ibibazo by’iyi ntambara yahagarara.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .