Abakuru ba Polisi zo mu bihugu byo muri Afurika y’Iburasirazuba, bateraniye mu nama yatangiye ku wa 14 ikazarangira ku wa 19 Ukwakira i Kampala.

Umuvugizi wa Polisi ya Uganda Judith Nabakooba yatangaje ko ibihugu 12 bigize umuryango w’ubufatanye bwa Polisi zo muri Afurika y’Iburasirazuba (EAPPCO), kuri ubu birebera hamwe uburyo bwo kurwanya iterabwoba, ibyaha birenga imipaka, iby’ihohotera rishingiye ku gitsina n’ibindi.

New Vision dukesha iyi nkuru kivuga ko intumwa zigera ku 1000 zivuye mu bihugu bitandukanye bya Afurika no hanze yayo byitabiriye iyi nama.

Ibihugu bigize uyu muryango birimo u Rwanda, Burundi, Djibouti, Eritrea, Ethiopia, Uganda, Seychelles, Somalia, Sudan, South Sudan, Tanzania n’Ibirwa bya Comores.