00:00:00 IGIHE NETWORK KN KINYARWANDA EN ENGLISH FR FRANCAIS

Abazahagararira urubyiruko rw’u Rwanda muri Loni bamenyekanye

Yanditswe na

Mathias Hitimana

Kuya 17 November 2012 saa 10:09
Yasuwe :

Abazahagararira urubyiruko rw’u Rwanda muri Loni bamenyekanye Nyuma y’aho Inama y’Igihugu y’Urubyiruko ikoresheje ibizamini byo guhitamo, uzahagararira urubyiruko rw’u Rwanda muri Loni, Habineza Kabuba Jean Michel na Gahigi Mugwaneza Arielle nibo batsindiye iyo myanaya.
Mu itangazo rigenewe abanyamakuru, Inama y’Igihugu y’urubyiruko, yatangaje ku itariki ya 16 Ugushyingo2012 ko Habineza Kabuba Jean Michel na Gahigi Mugwaneza Arielle bamaze gushyikirizwa amabaruwa abamenyesha ko batsinze. (...)

Abazahagararira urubyiruko rw’u Rwanda muri Loni bamenyekanye
Nyuma y’aho Inama y’Igihugu y’Urubyiruko ikoresheje ibizamini byo guhitamo, uzahagararira urubyiruko rw’u Rwanda muri Loni, Habineza Kabuba Jean Michel na Gahigi Mugwaneza Arielle nibo batsindiye iyo myanaya.

Mu itangazo rigenewe abanyamakuru, Inama y’Igihugu y’urubyiruko, yatangaje ku itariki ya 16 Ugushyingo2012 ko Habineza Kabuba Jean Michel na Gahigi Mugwaneza Arielle bamaze gushyikirizwa amabaruwa abamenyesha ko batsinze.

Abazahagararira urubyiruko rw’u Rwanda muri UN uko ari babiri, bazajya bitabira inama zitandukanye mu kwerekana ibibazo urubyiruko rw’u Rwanda rufite, no kuba baruvugira ku rwego mpuzamahanga.

Nyuma yo kubashyikiriza amabaruwa abemerera kwinjira mu nshingano, Habineza Kabuba Jean Michel na Gahigi Mugwaneza Arielle batangaje ko bishimiye gutsinda kwabo, ko biteguye gusohoza izo nshingano zitoroshye.

By’umwihariko Habineza Kabuba arabona ibibazo urubyiruko rw’ u Rwanda rufite bisa n’iby’urundi rubyiruko rwo muri Afurika, akaba yagarutse cyane ku kibazo cy’urubyiruko rwinshi rudafite akazi, akaba yavuze ko aricyo kintu bakunguranaho ibitekerezo n’urubyiruko rw’ahandi.

Hbaineza ati "tuzakora ubuvugizi ku buryo imyigishirize yahindurwa mu rubyiruko, cyane ko nta mahirwe ahabwa urubyiruko mu gushyira mu bikorwa ibyo bize no kuba bagira icyo bahindura gishya ku Isi ".

Mugwaneza nawe yavuze ko uyu ari umwanya mwiza wo guhura n’urundi rubyiruko bakungurana ibitekerezo by’ibisubizo ku bibazo urubyiruko rw’u Rwanda ruhura nabyo, akaba yiteguye kwegera abo basimbuye kuri iyi myanya kugira ngo bakomereze aho bari bageze.

Habineza Kabuba Jean Michel na Gahigi Mugwaneza Arielle basimbuye kuri iyi myanya Carine Rusaro Utamuriza na Ntezimana Aloys bashyizweho mu 2009.

Inama y’Igihugu y’Urubyiruko izajya ibafasha mu nshingano zabo, kugira ngo urubyiruko rw’Abanyarwanda rugire ijambo ku rwego mpuzamahanga.

Kugira urubyiruko ruhagararira urundi muri Loni byatangiye mu 1981, u Rwanda ruyitangira mu mwaka wa 2008.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .