Kimwe cya kabiri cy’iki gihembo cyahawe umunya Ireland William Campbell wafatanyije n’Umuyapani Satoshi Omura, bavumbura umuti mushya uvura indwara ziterwa n’inzoka bita “worm” mu rurimi rw’Icyongereza. Uyu muti ngo wagabanyije indwara y’ubuhumyi n’izindi ziterwa n’izi nzoka.

Ikindi gice cy’iki gihembo, cyahawe Umushinwakazi Youyou Tu, kubera umuti mushya witwa Artemisinin uvura Malariya yavumbuye. Uyu nawo ngo wagabanyije bidasubwirwaho umubare w’abahitanwa na Malariya.

Kuva uyu muti wa Malariya watangira gukoreshwa, ngo ukiza nibura 20% by’abarwayi n’abana 30% bakarokoka Malariya. Naho muri Afurika, ngo nibura 100.000 barokoka urupfu ruterwa na Malariya kubera Artemisinin, mu gihe imibare igaragaza ko ubusanzwe Maraliya ihitana ubuzima bw’abarenga 450.000 ku isi buri mwaka.