Aba bakandida bagizwe n’abakobwa 138831 n’abahungu 116342. Ugereranyije n’abanyeshuri bakoze ikizamini umwaka ushize, biyongereho 7.6% kuko bose hamwe bari 237181.

Ubwo yatangizaga ku mugaragaro ibizamini bya leta bisoza amashuri abanza, Umunyamabanga wa Leta Ushinzwe amashuri abanza n’ayisumbuye, Dr Munyakazi Isaac yabwiye abanyeshuri ko ibi bizamnini ari igihe cyo kugaragaza ubuhanga bafite.

Yari ku Ishuri ribanza rya Kacyiru I, ryakoreyeho abanyeshuri 507.

Ati "Ni umwanya wo kwigaragaza no kugararaza ko bafite ubushobozi bwo kuva mu cyiciro kumwe bajya mu kindi."

Ku barimu, ngo ni umwanya wo kugararaza ko batakoze ubusa igihe bigishaga.

Yanavuze ko ibizamini ari igihe cyo kwisuzuma ku mpande zombi no gufata umwanya wo gushaka icyo bakora ngo ibyakozwe nabi bokosorwe

Ku munsi wa mbere hakozwe amasomo y’Imibare n’Ubumenyi rusange, ku wa Kabiri hazakorwa siyansi n’Ikinyarwanda, ku wa Gatatu hakorwe Icyongereza.

Aba banyeshuri batangiye ibizamini baturuka ku mashuri abanza 2758, bakoreye ku ma site y’ibizamini 893.

Dr Munyakazi yabanje kuganiriza abanyeshuri mbere y'uko binjira aho bakorera ibizamini, abasobanurira uko bagomba kwitwara

Abanyeshuri bibukijwe ko ikizamini cya leta ari umwanya wo kugaragaza ko ibyo bigishijwe bitapfuye ubusa

Abanyeshuri basabwe kwifata neza mu gihe isaha yo gutangira gukora ikizamini itaragera

Abanyeshuri bari biteguye ikizamini

Dr Munyakazi yafashije mu guha abanyeshuri impapuro z'ibizamini ku Ishuri ribanza rya Kacyiru I

Umuyobozi Mukuru wa REB Dr Ndayambaje Irénée nawe yitabiriye igikorwa cyo gutangiza ibizamini bya leta ku basoza amashuri abanza