Aya mahugurwa yasojwe kuri uyu wa Kane, yateguwe ku bufatanye bwa Polisi y’u Rwanda n’umutwe udasanzwe mu nzego z’umutekano za Qatar uzwi nka Lekhwiya. Yitabiriwe n’abapolisi 209.

Yamaze ibyumweru bitandatu abera mu Kigo cya Polisi gitangirwamo amahugurwa yo kurwanya iterabwoba (CTTC) giherereye i Mayange mu Karere ka Bugesera.

Muri ayo mahugurwa, abapolisi bayitabiriye bahawe ubumenyi n’ubushobozi bushya buzabafasha mu kunoza inshingano zabo zo kurinda umutekano w’abantu n’ibintu, ndetse no guhangana n’ibikorwa bishobora guhungabanya ituze rusange.

Amahugurwa yibanze ku ngingo zirimo uburyo bwo kurinda abanyacyubahiro, guhangana n’ibikorwa by’iterabwoba bikorerwa mu bice by’imijyi, guhosha imyigaragambyo no kugarura ituze mu gihe habaye ibibazo by’umutekano.

Mu gusoza aya mahugurwa, CP Vincent Sano yashimiye uruhare rw’abayateguye n’abayitabiriye, agaragaza ko kongera ubushobozi bw’abapolisi ari ingenzi mu guhangana n’ibibazo bishya by’umutekano.

Polisi y’u Rwanda ikomeje kongera ubumenyi bw’abapolisi binyuze mu mahugurwa atandukanye agamije kubongerera ubushobozi mu kurinda umutekano w’igihugu no guhangana n’ibikorwa bishobora kuwuhungabanya.

Mu mahugurwa aba bapolisi bahawe harimo ajyanye no kurinda abayobozi

Aya mahugurwa yamaze ibyumweru bitandatu abera mu Kigo cya Polisi gitangirwamo amahugurwa yo kurwanya iterabwoba (CTTC) giherereye i Mayange

Bigishijwe uburyo bwo kurwanya iterabwoba mu mijyi

Umuyobozi Mukuru wa Polisi y’u Rwanda wungirije ushinzwe ibikorwa, CP Vincent Sano, yasoje aya mahugurwa

Aya mahugurwa yateguwe ku bufatanye bwa Polisi y’u Rwanda n’umutwe udasanzwe mu nzego z’umutekano za Qatar uzwi nka Lekhwiya

, CP Vincent Sano yashimye uruhare rw’abayateguye n’abayitabiriye

Abapolisi 209 b’u Rwanda basoje amahugurwa yo kurinda abayobozi no guhangana n’ibyihebe