Niwo mudugudu mushya uheruka gutahwa muri gahunda ya Guverinoma yo gutuza neza abaturage no kubitaho byoroshye.

Kuva mu myaka itanu ishize bimaze kuba ihame ko ku munsi u Rwanda rwizihizaho igihe gishize rubohowe mu maboko y’ubutegetsi bubi, hatawa umudugudu w’icyitegererezo.

Ni igikorwa kiri mu cyerekezo cy’igihugu cyiyemeje ko bitarenze mu 2024, u Rwanda ruzaba rufite imidugudu y’icyitegererezo 416, ni ukuvuga umudugudu umwe muri buri murenge.

Ni imidugudu yubakwa ifatiye urugero ku wa Rweru uri mu Karere ka Bugesera, watujwemo abaturage bimuwe mu Birwa bya Mazane na Sharita.

Leta y’u Rwanda yashyize imbaraga mu gutuza abaturage hamwe hagamijwe kubavana mu manegeka, kugabanya ubutaka buturwaho no koroherwa no kubagezaho ibikorwa remezo nk’imihanda, amashanyarazi, amavuriro n’amashuri, amazi, amasoko n’ibindi.

Nko mu Mudugudu wa Gishuro hatujwemo imiryango 64; buri wose wahawe inzu ifite ibyumba bibiri, uruganiriro, ubwogero n’ubwiherero, igikoni, gaz yo gutekesha na televiziyo kandi buri nzu ifite amazi n’umuriro. Abaturage banubakiwe irerero, ivuriro rito [poste de santé], agakiriro n’icyumba mberabyombi.

Buri muryango kandi wahawe inka, ufite n’imishinga ihuriweho irimo uw’ubworozi bw’inkoko 2000, ubuhinzi bw’urutoki n’inanasi.

Mu mezi abiri gusa, uyu mudugudu umaze kubona inyungu ya miliyoni 10 875 640 Frw arimo 220 600 Frw yakuwe mu mukamo w’inka n’andi 10 875 640 Frw yakuwe mu magi.

Uyu musaruro bawukesha inkoko 2000 zitera amagi n’inka 64 bahawe zirimo 19 zahise zibyara zikaba zitanga umukamo.

Umudugudu wa Gishuro uherereye i Tabagwe ahafite amateka yuko aribwo butaka bwa mbere bwafashwe n’ingabo zahoze ari iza RPA ubwo zarwanaga zishaka kubohora igihugu.

Abaturage benshi bamaze kuganura ku byiza byo gutura mu midugudu babwiye IGIHE ko gutekerezwaho no kubakirwa ari inkuru yaryoheye amatwi yabo.

Nyiramwiza Elisabeth w’imyaka 70 akimenyeshwa iyo nkuru ngo yasazwe n’ibyishimo, anarara adasinziye.

Ati “Aho nabaga nari ndi mu nzu nakodesherezwaga n’umurenge ariko bigeze aho barambwira bati hano ugiye kuhimuka bakujyane i Nyagatare mu nzu Kagame yabubakiye. Numvaga ari nk’inzozi nti ubu koko ngiye mu nzu y’icyitegererezo? Ubwo ndambaye imodoka y’akarere iraza irantwara.”

Kuri ubu ubuzima bwarahindutse kuko “Ncana kuri gaz, mu minota mike ibyo kurya ukaba urabihishije. Ndi mu munezero pe nta kibazo mfite rwose, ndanywa amata mu gitondo na nimugoroba, yego umuntu umwe bamuha igikombe kimwe ariko kirampagije, nkinywana umutuzo, ibiryo birahari, umwana tubana agateka agakora n’isuku, tukarya tukaryama.”

Rwiyamirira John we avuga ko gutuzwa mu mudugudu byamukijije ingoyi y’ubuzima bwo gusembera.

Ati “Naje gutuzwa hano mvuye i Karangazi, mbere si nari mfite aho kuba ariko noneho mbonye iyi nzu numva ntekanye neza. Nari mbayeho mu buzima bwo gushakisha ibiraka. Nkiri i Karangazi, nari mu buzima bubi kubera ko ntari ntekanye, ntabwo nari mfite aho kuba ariko ubu nabonye aho mba ndumva ntekanye.’’

Umudugudu wa Gishuro ni uwa gatanu utashywe ku munsi u Rwanda rwizihizaho umunsi wo Kwibohora, nk’ikimenyetso cyo gushyiraho ibikorwa bihindura ubuzima bw’abanyarwanda mu buryo bufatika. Indi yatashywe mu myaka ishize irimo uwa Rweru, Horezo, Karama na Shyira.

Perezida Kagame yavuze ko ibikorwa byubatswe byerekana ko nyuma y’ubutegetsi bubi igihugu cyagize, ubu Abanyarwanda banganya uburenganzira ku gihugu cyabo.

Yagize ati “Uyu munsi twatashye ibikorwa by’amajyambere hirya no hino mu gihugu, ibi bikorwa birageza serivisi ku Banyarwanda aho batuye, bigamije kandi kuzamura imibereho ya buri wese no guha agaciro buri muturarwanda. Nyuma y’imyaka myinshi ya politiki mbi y’ubusambo n’urwango, tumaze kongera kubaka igihugu cyacu twese kitari icya bamwe."

Gutuza abantu mu midugudu ni inyungu za rusange kuko bikemura ikibazo cy’imiturire mibi mu gihugu idindiza iterambere, rimwe na rimwe igateza ibiza cyane cyane ku batuye mu manegeka. Bituma kandi ubutaka bwubatseho buba buto kuko hari na gahunda y’uko aho kubaka inzu imwe ikabamo imiryango ine, hazajya hubakwa imwe ikabamo imiryango umunani.

Imibare y’ikigo cy’Imiturire mu Rwanda igaragaza ko hagati ya 2010 na 2019, hubatswe imidugudu y’icyitegererezo 132 yashowemo miliyari 220 Frw. Yatujwemo imiryango 15600.

U Rwanda rufite imidugudu y’icyitegererezo 243. Yiyongereye cyane mu myaka itanu ishize aho yavuye ku 165 mu mwaka wa 2015/2016, yongerwaho 78.

• Umudugudu wa Gishuro i Nyagatare ni wo uherutse gutahwa

Uyu mudugudu watujwemo imiryango 64 itishoboye

Muri uyu mudugudu hubatsemo kandi ishuri ry'inshuke

Abatujwe muri izi nzu bazisanzemo ibikoresho byose by'ibanze

Abatuye muri uyu mudugudu bafite kandi ivuriro ku buryo ugize ikibazo adakora urugendo ashaka kwivuza

Bafite inka zitanga umukoro ku buryo buri wese ahabwa igikombe cy'amata buri munsi

Uyu mudugudu ufite ibikorwa remezo byose nkenerwa

Abaturage bo mu Murenge wa Rongi muri Muhanga batujwe neza

Umudugudu w’Icyitegererezo wa Horezo mu Murenge wa Rongi, Akarere ka Muhanga, watujwemo imiryango 100 yo mu Mirenge ya Rongi na Nyabinoni yari ituye mu manegeka. Watashywe ku wa 4 Nyakanga 2018

Inzu zashyizwemo n'amashanyarazi aturuka ku zuba

Umudugudu wa Herezo wuzuye utwaye miliyari 21 z’amafaranga y’u Rwanda

Intebe zari mu nzu zo mu Mudugudu wa Horezo ubwo watahwaga ku mugaragaro

Abana bari mu irerero bafite ibikoresho by'imyidagaduro na siporo

Amashuri yubatswe ni amagorofa

Umudugudu ufite ibibuga bya siporo

Umudugudu wa Horezo wubatse mu buryo buzwi nka 'Four in One', aho inzu imwe iba irimo ibice bine buri muryango ugahabwa kimwe. Uri mu bilometero 50 uturutse mu Mujyi wa Muhanga

I Shyira mu Karere ka Nyabihu

Umudugudu w’Icyitegererezo wa Shyira wubakiwe imiryango 108 ikennye yo mu turere twa Gakenke na Nyabihu watashywe mu #Kwibohora23

Ibitaro byubatswe mu Murenge wa Shyira mu Karere ka Nyabihu

I Shyira hubatswe umudugudu n'agakiriro aho abaturage bazajya bakorera ibikorwa bibateza imbere

Ab’i Nyundo nabo ntibatanzwe

I Nyundo mu Karere ka Rubavu naho hari umudugudu w'icyitegererezo

Rugabano mu Karere ka Karongi

Mu Murenge wa Rugabano hubatswe inzu 140 n'ishuri ry'incuke

Umudugudu wa Rugabano muri Karongi washowemo akabakaba miliyari imwe na miliyoni 456 Frw

Gikomero mu Karere ka Gasabo

Umudugudu uri mu Murenge wa Gikomero mu Karere ka Gasabo urimo inzu 60

I Gikomero hubatswe ibyumba bitatu by’amashuri, icyumba mberabyombi, laboratwari, aho kororera inkoko, ikibuga cyo gukiniraho n’indi mishinga itandukanye

Mu Murenge wa Gikomero mu Karere ka Gasabo naho ibikorwa by'Inkeragutabara birivugira. Uyu mudugudu washowemo asaga miliyari 1,5 Frw

I Musanze, Umujyi wunganira uwa Kigali naho ntibacikanwe

Abaturage bo mu Ruhango na bo ntibirengagijwe

Mu Bugesera ni uku hameze

Abanyamujyi b’i Nyamirambo bubakiwe Umudugudu i Karama

Uyu mudugudu watujwemo imiryango 240 yari mu manegeka mu Murenge wa Kigali ku musozi wa Mont Kigali

Umugudugu w’Icyitegererezo wa Karama uherereye mu Murenge wa Kigali mu Karere ka Nyarugenge watashywe ku wa 3 Nyakanga 2019

Umugudugu w’Icyitegererezo wa Karama uherereye mu Murenge wa Kigali mu Karere ka Nyarugenge watashywe ku wa 3 Nyakanga 2019

Mu cyiciro cya mbere cy’umushinga wo kubaka umudugudu wa Karama, hubatswe inzu zifite ubushobozi bwo gutuza neza imiryango 240, ku kiguzi cya miliyari 8 Frw

Umudugudu wa Karama ufite n’ahazakorerwa ubworozi bw’inkoko hafite ubushobozi bwo kororerwa inkoko zisaga ibihumbi icyenda. Wubatswe ku bufatanye n’Ingabo z’igihugu nk’umusanzu wazo mu gihe hizihizwa imyaka 25 u Rwanda rubohowe

Umudugudu wa Karama ufite n’ahazakorerwa ubworozi bw’inkoko hafite ubushobozi bwo kororerwa inkoko zisaga ibihumbi icyenda. Wubatswe ku bufatanye n’Ingabo z’igihugu nk’umusanzu wazo mu gihe hizihizwa imyaka 25 u Rwanda rubohowe

Uyu mudugudu urimo amazi n’umuriro, imihanda itunganyije, uburyo bwo gufata amazi, ubwo gutunganya imyanda n’ubusitani buteyemo imboga n’imbuto

Umudugudu w'Icyitegerezo wa Bahimba watangiye kubakwa muri Mutarama 2017 urangira muri Kanama 2018. Wubatswemo inzu 12 aho imwe iturwamo n'imiryango ine. Wuzuye utwaye asaga miliyari 1 na miliyoni 200 Frw

Amafoto: Rwanda Gov na IGIHE