Ubwo hazaba hizihizwa umunsi mpuzamahanga w’Umugore kuwa 8 Werurwe uyu mwaka, ba Mutimawurugo, Itorero ry’igihugu ry’abagore, bazatangiza ku mugaragaro Igitaramo cy’umuryango binyuze mu mugoroba w’ababyeyi.

Nyuma yo gusobanurirwa ibyakorwaga mu gitaramo cy’umuryango abagore bari mu itorero rya Mutima w’urugo mu byiciro bibiri bahize ko iki gitaramo kigiye gutangizwa binyuze mu mugoroba w’ababyeyi.

Ba Mutimawurugo mu nama nyunguranabitekerezo n'abafatanyabikorwa

Komiseri muri Komisiyo y’Igihugu y’Itorero Rugemintwaza Nepo asobanura kogutangiza ikigitaramo binyuze mu mugoroba w’ababyeyi ari ingenzi.

Yagizeati,“mu gitaramo cy’umuryango ni ho haganirwaga indangagaciro na kirazira, hagatozwa umuco ugomba kuranga umunyarwanda. Ni ho hagaragazwaga abitwaye nabi bagakeburwa ndetse n’abitwaye neza bagashimwa”.

Ba Mutimawurugo bazizihiza umunsi w'abagore banesa imihigo bahize basoza Itorero

Mu nama yahuje Inama y’Igihugu y’Abagore n’abafatanyabikorwa kuri uyu wa 10 Gashyantare 2014 ku myiteguro y’umunsi mpuzamahanga w’Umugore hasobanuwe ko gutangiza ku mugaragaro iki gitaramo binyuze mu mugoroba w’ababyeyi bizaba ku munsi nyirizina kuya 8 Werurwe 2015.

Abitabiriye iyi nama batanze ibitekerezo byabo ku bindi bikorwa byakorwa mu rwego rwo kwizihiza uyu munsi mpuzamahanga w’umugorebirimo kuremera abatishobo yen’ibindi.

Umunyamabanga Nshingwabikorwa w’Inama y’Igihuguy’Abagore Jackline Kamanzi yasobanuye ko ibikorwa by’ingenzi biteganyijwe kuri uyu munsi birimo kwesa imihigo ba Mutimawurugo bahize ubwo bari mu Itorero, guhiga imihigo bagomba kwesa ku itarikiya 15 Ukwakira uyu mwaka ku munsi mpuzamahanga w’Umugore wo mu cyaro, guhemba abakobwa bitwaye neza mu bizamini byaleta, igikorwa gikorwa ku bufatanye na Imbuto Foundation, Gutangiza igitaramo cy’umuryango binyuze mu mugoroba w’ababyeyi.

Mu bindi bikorwa biteganyijwe harimo kuremera abagore batishoboye, gutoza abagore umuco wa siporo ndetse n’imyitozo ngororamubiri, akarasisi, gupima abagore uko ubuzima bwabo buhagaze (BMI: Body Mass Index).

Bamwe muri ba Mutimawurugo bari mu Itorero ry'igihugu i Nkimba (Ifoto: MIGEPROF)

Umunsi mpuzamahanga w’umugore ugiye kwizihizwa nyuma y’isozwa ry’itorero rya Mutimawurugo ibyiciro bibiri, itorero ryateguwe n’Inama y’Igihugu y’abagore, Minisiteri y’Uburinganire n’Iterambere ry’Umuryango ndetse naKomisiyo y’Igihuguy’Itorero.

Muri iri torero ni bwo ba Mutimawurugo bahize imihigo itandukanye ijyanye n’Iterambere, irimo kurwanya imirire mibi, kwimakaza umuco w’Isuku n’ibindi.

Kwizihiza uyu munsi bikazakorwa ku rwego rwa buri Murenge.

Gutangiza igitaramo cy’umuryango binyuze mu mugoroba w’ababyeyi ni umwe mu mihigo ba Mutima w’Urugo bahize ubwo basozaga itorero mu kigo cy’ubutore cya Nkumba.