Bruce Melodie yakomoje ku mahirwe y’iterambere ari mu gukorana na Cogebanque

Yanditswe na Ishimwe Israel
Kuya 29 Gashyantare 2020 saa 10:13
Yasuwe :
0 0

Itahiwacu Bruce [Bruce Melodie] yasangije abakunzi b’ibihangano bye n’Abanyarwanda muri rusange amahirwe yabafasha kugendana na serivisi z’imari zigezweho kandi zizewe binyuze mu gukorana na Cogebanque.

Cogebanque Plc imaze imyaka 20 itanga serivisi za banki mu Rwanda aho yahinduye ubuzima bw’abayigana.

Iyi banki ni umuterankunga w’imena wa Tour du Rwanda 2020 ndetse ihemba umukinnyi uzamuka cyane kurusha abandi muri buri gace.

Tour du Rwanda 2020 igeze ku munsi ubanziriza uwa nyuma; Agace kayo ka Karindwi kakiniwe i Nyamirambo kegukanywe n’Umunya-Colombia Restrepo Jhonatan wa Androni Giocattoli – Sidermec. Uyu musore w’imyaka 25 yakoresheje iminota itandatu n’amasegonda 32, ku ntera y’ibilometero 4.5.

Aho iri siganwa ryanyuze hose, Cogebanque yaherekejwe na Bruce Melodie wataramiye mu bice bitandukanye by’igihugu.

Kuri uyu wa Gatandatu, tariki ya 29 Gashyantare 2020, yifatanyije n’ab’i Nyamirambo aho Cogebanque yabafashije gufunguza konti, bamwe banatsindira ibihembo bitandukanye.

Mu butumwa bwatanzwe ku bafunguje konti ni uko bashobora kubitsa, kohereza no kubikuza amafaranga yabo kandi mu mutekano usesuye.

Bruce Melodie nyuma yo kubaririmbira, yabasabye kugana serivisi z’imari, bakagukana nazo.

Yagize ati “Ubutumwa bwa mbere mbaha ni ukwaguka hamwe na Cogebanque, ni byiza gufunguza konti muri Cogebanque hanyuma ibyiza byayo bikakugeraho. Amafaranga abitsemo uba wizeye ko ari ahantu heza.’’

Uyu muhanzi yishimiye uko yakiriwe mu gihugu hose aho yanyuze akerekwa urukundo ruhebuje.

Yagize ati “Hano [mu Rwanda] ni mu rugo, uko banyakira niko umubyeyi yakira umwana we. Mu minsi irindwi banyakiriye neza, twabanye amahoro aho twanyuze hose.’’

Mu duce twose Cogebanque yamurikiyemo ibikorwa byayo, byitabiriwe n’abantu benshi, basobanurirwa serivisi z’imari.

Bruce Melodie yashimangiye ko ubwo bwitabire bushingiye ku kuba “Ahantu hari amafaranga n’umuziki mwiza na we ari wowe niho wajya. Hari ibyishimo, abantu bafunguzaga amakonti bagatwara amafaranga, nkabaririmbira, byari ibyishimo. Iyo mba ndi umufana niho nari kujya.’’

Yashimye uko Abanyarwanda bakiriye ibihangano bye ndetse byamuhaye ishusho ko ‘babonye neza ibyo nakoze kandi ngomba kongera imbaraga.’

Muri gahunda za Cogebanque Plc zo gufasha Abanyarwanda kuzamura ubukungu bwabo no gukemura ibibazo bitandukanye, iyi banki yakomeje gushyira abakiliya igorora ibaha inguzanyo ku mushahara izwi nka ‘Gisubizo Loan Express’, itangwa nta ngwate.

Gisubizo Loan Express ni inguzanyo Cogebanque itanga ku bakiliya bayo babona umushahara wa buri kwezi. Ni inguzanyo ikubye inshuro zigera kuri 15 z’umushahara umuntu ahembwa ku kwezi, na we akagenda yishyura agera kuri 50% by’umushahara we buri kwezi.

Usabye iyi nguzanyo, ayibona mu gihe kitarenze iminsi mike iyo yujuje ibisabwa. Iri gutangwa mu buryo buvuguruye aho ishobora kwishyurwa mu myaka itanu mu gihe kuyibona bifata iminsi mike ku wujuje ibisabwa.

Iyo umukiliya ashaka kwishyura inguzanyo mbere y’igihe, nta bundi bwishyu bw’inyongera asabwa yaba yishyura yose cyangwa igice. Umukiliya ashobora gukurikirana imiterere y’uburyo bwo kwishyura kandi akoresheje porogaramu ya CogemBank.

Cogebanque ifite konti zitandukanye zo kwizigamira! Zirimo Konti Teganya igufasha kuzigama buri kwezi, wabitsaho igihe icyo aricyo cyose ndetse n’amafaranga uko yaba angana kose; Konti Nteganyiriza Minuze igufasha kuzigamira amashuri y’abana; Konti Iyubakire igufasha kwizigamira inzu; Konti Shobora igufasha kugera ku mushinga wawe n’ubwizigame bw’igihe kirekire (Term deposit).

Bruce Melodie yataramiye abakunzi b'umuziki we i Nyamirambo. Yaririmbye indirimbo zirimo "Kungola", "Catherine", "Ndumiwe'' n'izindi
Umuhanzi Bruce Melodie yahishuye amahirwe y’iterambere ari mu gukorana na Banki y'Ubucuruzi ya Cogebanque
Bruce Melodie yaririmbiye mu bice bitandukanye by'igihugu muri Tour du Rwanda 2020, agaragarizwa urukundo
Yari yishimiye kubona aririmbirwa na Bruce Melodie na Bull Dogg
Bruce Melodie uri mu bahanzi bafite igikundiro yanyuze benshi
Bull Dogg yataramiye abakunzi be i Nyamirambo
MC Buryohe aganira n'abakunzi b'amagare bari bamaze kureba Agace ka Karindwi kasorejwe i Nyamirambo

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .