Amakuru avuga ko iyi modoka yakoze impanuka ahagana saa kumi n’imwe zo kuri iki Cyumweru ndetse ko yaguye munsi y’umuhanda.

Umuyobozi w’Akarere ka Gakenke, Nzamwita Deogratias, yabwiye IGIHE ko iyi modoka yari itwaye abasirikare yagonzwe n’indi yo mu bwoko bwa Toyota Hilux.

Ati “Uvuye mu Murenge wa Kivuruga ujya Cyabingo niho batubwiye ko yabereye ndetse ko hakomeretsemo batatu. Niyo makuru mfite, bambwiye ko imodoka yahirimye.”
Amakuru agera kuri IGIHE ni uko aba basirikare bakomeretse bahise bajyanwa mu bitaro bya Ruhengeri ariho bari kuvurirwa kugeza ubu.