Mu kagari ka Musezero, mu Murenge wa Gisozi mu Karere ka Gasabo, mu masaha ya saa mbiri za mu gitondo cyo kuri uyu wa kabiri tariki ya 1 Nzeri 2015, inzu yafashwe n’inkongi y’umuriro ibyari biyirimo byose bihinduka umuyonga.

Iyo nzu ya Sengabo Jean Baptiste, yari icumbitswemo na Gatete Jean Chrisostome, utagize icyo aramura mu bikoresho byo mu nzu bitandukanye yari atunze, kuko byose byahindutse umuyonga.

Umukozi ushinzwe Irangamimerere mu Murenge wa Gisozi, James Serukiza, yatangarije IGIHE ko ku bw’amahirwe nta muntu wahitanwe n’iyi nkongi.

Yagize ati "Umugore n’abana ni bo bari bari mu rugo, bahise bihutira gusohoka mu nzu, bakimara kubona ko ifashwe n’inkongi. Icyaba yatumye iyi nzu ishya ntikiramenyekana kugeza ubu."

Mu nyubako zitandukanye zo mu karere ka Gasabo, zirimo inzu zo guturwamo, Hotel ndetse n’inganda, muri uyu mwaka wa 2015, hagiye humvikana ahibasiwe n’inkongi y’umuriro, ibitari bike bikahatikirira (Soma: http://igihe.tv/amakuru/y-inkongi-y-umuriro-mujyi-wa-kigali.html)

Harakekwa ko iyo nkongi yaturutse ku mashanyarazi...

Abaturage batabaye bagerageza kuzimya ariko biba iby'ubusa

[email protected]