Abaturage bavuga ko bazimije iyo nzu hamaze gushya irido n’igice cy’akabati kari mu ruganiriro.

Yazimijwe hamaze gushya irido n'igice cy'akabati kari mu ruganiriro

Umusore ucumbitse mu gikari cya Niyoyita Hussein utashatse ko izina rye ritangazwa avuga ko nawe yatunguwe cyane n’uburyo iyi nzu yafashwe n’inkongi nyuma y’uko hashize iminsi itari mike yibasiwe n’amabuye n’ibindi bintu bitandukanye bamwe bemeza badashidikanya ko biterwa n’amagini.

Ati “ Njye nshidutse gusa bambwira ngo inzu iri gushya nze nsohore ibintu byanjye nibwo mpise nza niruka kugira ngo ngire ibyo nkuramobitarashya, rwose najye sinzi ikiri kubitera pe!”.

Abaturage bafasha abo mu rugo rwa Niyoyita Hussein gusohora ibyari mu nzu

Yakomeje avuga ko yari yanabwiye umukozi ukora kwa Niyoyita anamusaba gukura ibintu bye mu nzu ariko akaba atabikurikije.

Umunyamabanga Nshingwabikorwa w’Umurenge wa Gitega Nkurunziza Idrissa, we yasabye abaturage kutiranya iyi nkongi n’amagini cyangwa se amashitani kuko icyayiteye kitaramenyekana.

Ati “ Si ubwa Mbere inzu ishya, ahubwo ni ukureba icyateye iyi nkongi , kandi iyi nkongi ishobora kuba yatewe wenda n’uwacanye ikibiriti cyangwa se igaterwa n’umuriro usanzwe , rero nibyo tugiye gukurikirana tumenye ikibyihishe inyuma”.

Yahakanye ibiri kuvugwa n’abaturage batandukanye ko ibintu byose biri kuba kwa Niyoyita biri gukorwa kuko umukobwa we yabenze Umutanzaniya bakundanaga mu gihe yari yaramurihiye amashuri .

Bihutiye gusohora imifariso izwiho gutiza umurindi inkongi