Ibi Minisitiri Nsengiyunva yabitangirije mu Karere ka Kayonza ubwo yashyikirizaga impamyabumenyi urubyiruko rugera kuri 29 rumaze amezi ane ruhabwa ubumenyi ku bijyanye n’ubucukuzi bw’amabuye y’agaciro.

Minisitiri Nsengiyunva, avuga ko gushyiraho ibi bigo ngo bizafasha abikorera kubona abakozi b’inzobere kandi byongere umusaruro ukomoka ku bucukuzi bw’amabuye y’agaciro bityo binafashe igihugu mu kongera amadovize.

Ku ikubitiro hazatangizwa ibigo bibiri harimo ikizashyirwa mu Murenge wa Rwinkwavu, ho mu Karere ka Kayonza ahakorera sosiyete Wolfram mining and Processing Ltd, ndetse no mu karere ka Burera ahitwa i Rutongo.

Minisitiri Abert Nsengiyumva ashyikiriza impamyabumenyi abanyeshuri basoje amahugurwa

Nkurunziza Emanuel wavuze mu izina ry’abanyeshuri barangije ayo mahugurwa, yavuze ko ubumenyi bahawe biteguye kububyaza umusaruro na bo bakiteza imbere.

Ndayambaje umwe mu bacukuzi b’amabuye y’agaciro waganiriye na IGIHE yavuze ko yishimiye kuba hagiye gutangizwa ibyo bigo byo kubongera ubumenyi dore ko ubusanzwe usanga bakora ako kazi mu rwego rwo kwirwanaho kuko nta bumenyi buhagije benshi muri bo bafite.

Akomeza atangaza ko ibi bigo bizafasha umubare mwinshi w’abanyarwanda b’abashomeri kuba bahugurwa nyuma bakabona akazi kabafasha kwiteza imbere.

Urubyiruko rwahawe impamyabushobozi rwahuguwe ku bufatanye n’ikigo cy’igihugu gishinzwe ubumenyingiro WDA ku bufatanye na Banki y’Isi mu mushinga witwa Skills Development Project.

Urubyiruko rwahawe amahugurwa na rwo rutegerejweho byinshi mu gucukura amabuye y'agaciro kinyamwuga

Henshi mu birombe hifashishwa inzobere zaturutse mu mahanga

Senderi yasusurukije abitabiriye ibyo birori

Hari n'ibirombe bimwe na bimwe bigicukura mu buryo bwa gakondo