Umubare w’abanyarwanda bakomeje gutahuka bava muri Tanzania babagayo mu buryo butemewe n’amategeko ikomeje kwiyongera. Abatahutse ku ya 9 Kanama, bagera kuri 969 banyuze ku mipaka inyuranye.
Imibare dukesha Minisiteri y’imicungire y’ibiza n’impunzi (MIDIMAR), igaragaza ko ku mupaka wa Rusumo hatahutse abanyarwanda 866, na ho ku cyambu cya Karushenga ho mu karere ka Nyagatare, hambutse 42. Ku cyambu cya Munyana hanyuze 38, ku mupaka wa Kagitumba hambukiye 23.
Abenshi muri aba ngo ni abamaze igihe gito muri Tanzania wasangaga bashaka gusanga imiryango yabo.
Mu bigaragara ni uko umubare w’abatahuka ugenda urushaho kwiyongera, umunsi ku wundi, ku buryo hari abasanga igihe bahawe cyarangiye uyu munsi kuya 10 Kanama 2013 ari gito cyane, ugereranyije n’abanyarwanda bakiriyo babagayo mu buryo butemewe n’amategeko.
Kugeza ubu umubare w’Abanyarwanda bamaze kwirukanwa muri Tanzaniya, bageze mu Rwanda uragera ku 2000.
TANGA IGITEKEREZO