Ibiciro by’itabi mu Rwanda byazamutse kubera imisoro yiyongereye

Yanditswe na Twarabanye Venuste
Kuya 20 Ukwakira 2019 saa 10:03
Yasuwe :
0 0

Ikigo mpuzamahanga cy’Abongereza gikora ubwoko butandukanye bw’itabi (BAT) ; ririmo irizwi cyane mu Rwanda nk’Intore, Dunhill, Impala na SM cyatangaje ko ibiciro byacyo kuri iryo tabi byiyongereye kubera imisoro yazamuste mu mwaka w’ingengo y’imari wa 2019/20 ndetse ko n’ubundi bwoko bw’itabi bakora buraza kwiyongera.

Kuzamuka kw’ibiciro by’itabi bije bikurikira amavugururra y’imisoro aheruka nkuko The New Times yabitangaje.

Izo mpinduka zibaye nyuma y’itegeko ryasohotse mu igazeti ya leta muri Nzeri, ryerekeye ibicuruzwa biva hanze n’ibikorerwa mu Rwanda.

Itegeko rishya risaba imisoro ingana na 36% ku ipaki y’itabi irimo amasigara 20, ni inyongera ya Frw 130 ku ipaki.

Nyuma y’izo mpinduka, ikigo mpuzamahanga cy’Abongereza gikora ubwo butandukanye bw’itabi (BAT), cyatangaje ko ibiciro byacyo bigomba kwiyongera.

Kugeza ubwo bandikaga iyi nkuru, ibiciro byemewe by’icyo kigo byerekana ko ipaki y’Intore igura Frw 1,300 naho Dunhill ikagura Frw 2,800.

Abantu baganiriye na The New Times ahazwi nko ku Kisimenti mu mujyi wa Kigali bavuze ko Intore iri kugura Frw 2,000 naho Dunhill hamwe ikagura Frw 3,000 ahandi Frw4,000.

Mbere y’uko bihinduka, Intore yaguraga Frw 1,000 naho Dunhill igura Frw 1,500 ku ipaki imwe.

Uruhare rw’imisoro

Willis Angira Ukuriye ishami ry’ibikorwa muri BAT yavuze ko uretse Intore na Dunhill n’ibindi biciro byiyongereye.

Ati “Mu by’ukuri ibiciro byacu kuri Dunhill n’Intore byiyongereye. Muri make ni ukuri ku biciro by’ibicuruzwa byacu byose. Kwiyongera byatewe n’impinduka ku mwaka w’ingengo y’imari wa 2019/20, nkuko yatangajwe muri Kamena 2019 mu ijambo rya Minisitri w’imari n’igenamigambi”.

Angira yavuze ko ukwiyongera gukomeye ari ukwabaye kuri Dunhill iri ku giciro cya frw 2,800, SM ku Frw 1,800 n’Impala ku Frw 1,300.

Si ikibazo gishya, kuko muri Mata umwaka ushize ibiciro by’itabi byigeze kwikuba bitewe nuko ryari ryabuze ku isoko bimara ibyumweru bibiri.

Ushinzwe ibikorwa bya BAT muri Afurika y’Iburasirazuba n’iyo hagati ukorera muri Kenya, Simukai Munjanganja icyo gihe yavuze ko ibura ryari ryatewe no gutinda kubona ikimenyetso cy’uko batanze umusoro.

Ati “Byatewe [kubura] byari byatewe n’itinda ry’ikimenyetso cy’imisoro. Itegeko risaba ko ipaki ijyaho icyerekena ko yishyuye imisoro, ibyo bituma tudashobora gushyira ku isoko itabi ryo gucuruza kugeza gishyizweho.”

Yongeyeho ko ibyavuzwe ko kwaba ri ukugabanya ibyo bohereza ku isoko kugira ngo babone inyungu iri hejuru byari ibihuha.

Mu 2006, hagaragajwe ko ishami rya BAT muri Kenya yari yafashe inshingano zo gukora itabi hanyuma ishami ryo mu Rwanda rigasigara riricuruza ku masoko yo mu Rwanda no mu Burundi.

Kuzamuka kw’ibiciro by’itabi bije bikurikira amavugururra y’imisoro aheruka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza