SAMIDRC yatangiye gucyura ibikoresho byayo tariki ya 29 Mata 2025, hashingiwe ku cyemezo cyafashwe n’Abakuru b’Ibihugu by’Umuryango w’Afurika y’Amajyepfo (SADC) tariki ya 13 Werurwe cyo guhagarika ubutumwa bwayo.

Ku wa Kane, tariki 26 Kamena 2025, mu masaha y’ijoro mu muhanda wa Rubavu-Musanze-Kigali hagaragaye umurongo muremure w’amakamyo atwaye ibikoresho bya SAMIDRC byifashishwaga mu rugamba rwo kurwanya ihuriro AFC/M23.

Kuri uwo munsi hatashye amakamyo 64 y’ibikoresho mu byiciro bibiri, icya mbere cyahagurutse ku Murenge wa Rugerero ku isaha ya Saa Mbiri z’ijoro, mu gihe ikindi cyahahagurutse saa Tatu n’igice z’ijoro.

Si ibikoresho gusa byatashye, kuri iyi nshuro kuko hatashye n’abasirikare 25 babiherekeje.

Amakamyo atwaye ibikoresho bya SAMIDRC byari i Goma, yatashye mu ijoro

SADC imaze iminsi icyura ibikoresho byayo, ibinyujije mu Rwanda