Ibitaro bikomeye byo mu gihugu cy’u Buhinde mu mujyi wa Hyderabad bya Apollo birateganya kwagurira ibikorwa byabyo mu bihugu by’u Rwanda, Indonesia na Sri Lanka, nk’uko bitangazwa n’umuyobozi wabyo Prathap Reddy.

Inkuru y’ikinyamakuru The Economic Times agashami ku buzima, ivuga ko mbere yo kubaka ibikorwa remezo by’ibi bitaro mu bihugu byavuzwe haruguru, hazabanza gushyirwaho ibigo bizajya biba birimo ikoranabuhanga, umurwayi abashe kuvurirwa mu gihugu cye, bikozwe n’abaganga bari mu Buhinde, binyuze mu kuvura abarwayi hakoreshejwe ikoranabuhanga. Uburyo buzwi ku izina rya “tele-medicine”.

Ibitaro by’Apollo bifite amashami muri Dhaka no mu birwa bya Mauritius, mu minsi ya vuba bikazafungura ishami ry’inzobere muri Tanzania.