Kaminuza ya KIM yahaye impamyabumenyi abanyeshuri 409

Yanditswe na Ndayikunda Josué
Kuya 14 Ukuboza 2019 saa 06:25
Yasuwe :
0 0

Kaminuza ya KIM, yahaye impamyabumenyi abanyeshuri 409, ibasaba kudapfusha ubusa ubumenyi bahawe ahubwo bagaharanira kuba indashyikirwa mu byo bazakora byose.

Umuhango wo gutanga izi mpamyabumenyi wabaye kuri uyu wa Gatanu tariki ya 13 Ukuboza 2019 mu karere ka Kicukiro, Umurenge wa Nyarugunga aho iri shuro riherereye, akaba ari ku nshuro ya munani ritanze impamyabumenyi ku banyeshuri baryo.

Muri 409 basoje amasomo yabo harimo 14 barangije mu cyiciro cya gatatu cya kaminuza (Master’s).

Abanyeshuri bahawe impamyabumenyi basoje mu mashami y’Ubucuruzi (Bachelor of Business Management, BBM), Amabanki n’Imari (Finance and Banking) no mu ishami ryo kugenzura amasoko (Procurement and Logistics Management).

Senateri Prof. Kanyarukiga Ephrem wari umushyitsi mukuru muri uyu muhango yasabye abanyeshuri basoje amasomo yabo guharanira gutsinda muri byose, anabibutsa ko ibyemezo bazafata ari byo bizabagira abo bazaba bo mu gihe kizaza.

Ati “Mugomba guharanira kuba indashyikirwa mu byo muzakora byose byaba ari bito cyangwa binini, kandi inzozi zanyu zibe ari ngari kandi muzagire kureba kure. Ibyemezo mufata uyu munsi nibyo bizagaragaza abo muzaba bo mugihe kizaza cyane ko bamwe muri mwe iri atari iherezo ry’urugendo mu masomo.”

Prof. Kanyarukiga yakomeje ababwira ko batangiye urugendo rushya, anabibutsa ko isoko ry’umurimo bagiyeho riteze amaboko ku bantu bafite ubushake, abiyemeje kugera ku ntego bihaye, abafite guhanga udushya n’abashobora guhanga imirimo n’ibintu bishya.

Umuyobozi w’Icyubahiro wa KIM, Prof. Biryabarema Michael, yabwiye abanyeshuri basoje amasomo ko nubwo hari intambwe bateye mu rugendo rwo kwiga basabwa gukomeza gutumbira imbere ntibahagarare.

Yagize ati “Muzirikane ko nubwo intambwe mwateye uyu munsi ishimishije atari ryo herezo ry’urugendo. Ku bw’ibyo, murasabwa gukomeza kwicisha bugufi, mugatumbira ibiri mbere kandi mukagira ibitekerezo byagutse. Mukoreshe iyi ntambwe mwateye n’ubwenge mwavomye kugira ngo mwubake ahazaza hanyu.”

Prof. Biryabarema yakomeje abwira abanyeshuri basoje amasomo ko ari igihe cyiza cyo kumenya neza inshingano bafite ku baturage babakikije, anahamya ko uburyo bihanganye mu bihe by’amasomo bizabafasha no kugera ku ndoto zabo.

Dukundane Rene wasoje amasomo ye muri KIM, yabwiye IGIHE ko ubumenyi yungutse agiye kububyaza umusaruro atiriwe ategereza ko bazamuha akazi.

Ati “Ubumenyi nkuye muri KIM ngiye kububyaza umusaruro nihangira imirimo kuko biri no mu byo batwigisha. Ikindi ni ukugerageza kubaza abandi kuko umutwe umwe utifasha ibintu byose.”

Uwimbabazi Mary avuga ko ubumenyi n’ubunararibonye akuye muri KIM, bizamufasha guhangana ku isoko ry’umurimo, ndetse ngo yiteguye no kwihangira imirimo izaha abanyarwanda akazi.

Kaminuza ya KIM yatangiye mu mwaka wa 2006, itangira yitwa ICAM (International College of Accountant and Management) iza kwemererwa gutanga impamyabumenyi bwa mbere mu 2011. Yigisha amasomo ya CPA and CAT ku buntu ku basanzwe bayigamo.

Ababyeyi b'abanyeshuri barangije amasomo muri KIM nabo bari babukereye
Abahawe impamyabumenyi bibukijwe ko urugendo rugikomeje
Abanyeshuri bafashe umwanya bashimira KIM yabahaye ubumenyi
Abanyeshuri bahize abandi bashimiwe
Abanyeshuri basoje amasomo yabo basabwe kuba indashyikirwa muri byose
Abanyeshuri bibuka Peter Rutaremara washinze Kaminuza ya KIM
Abarimu bashimiwe uburyo batanze ubumenyi ku banyeshuri basoje amasomo muri KIM
Abarimu muri KIM nabo bari bitabiriye ibi birori
Abayobozi ba KIM bari bitabiriye uyu muhango
Akanyamuneza kari kose ku maso
Byari ibirori bibereye ijisho
Byari ibyishimo ku babyeyi n'abana babo
Dr Mugabe Jean Baptiste umuyobozi wa kaminuza ya KIM
Hafashwe umwanya wo kwibuka nyakwigendera Peter Rutaremara washinze kaminuza ya KIM
Ibi birori byatangijwe n'akarasisi k itsinda ry'abacuranzi
KIM imaze kuba ubukombe mu gutanga ubumenyi bufite ireme
KIM yatanze impamyabumenyi ku banyeshuri 14 barangije icyiciro cya gatatu cya kaminuza
Ni ibirori byabereye mu murenge wa Nyarugunga mu karere ka Kicukiro aho KIM ibarizwa
Ni ku nshuro ya munani KIM itanga impamyabumenyi
Ni umuhango witibiriwe n'abandi bayobozi ba za kaminuza zo mu Rwanda
Senateri Prof Kanyarukiga Ephrem yabwiye abanyeshuri basoje amasomo ko ibyemezo bazafata aribyo bizagaragaza abo bazaba ejo
Umuyobozi w'Icybahiro wa KIM Prof Biryabarema Michael yasabye abanyeshuri kugira ibitekerezo byagutse

Amafoto: Dushimimana Ami Pacifique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza