Ubuyobozi buvuga ko harwaye umwe n’abandi bakishyiramo ko barwaye.

Umwe mu babyeyi batakaga yabwiye IGIHE ko umwe mu bana yazanye igisheke ku ishuri , akagisangira na bagenzi be bari hagati y’icumi na 15, nyuma gato yo ku kirya bagatangira kubabara mu nda umwe umwe.

Abanyeshuri bariye igisheke bose batatse kubabara mu nda

Avuga ko bacyetse ko icyo gisheke cyari kirimo uburozi.

Ati “ Ntibyumvikana ukuntu abana bagera kuri 15 bose bariye kuri icyo gisheke baribwa mu nda! birashoboka ko icyo gisheke cyari kiroze.”

Umunyamabanga nshingwabikorwa w’umurenge wa Karama Sebagabo Francois, we yavuze ko abana bavugaga ko barwaye mu nda ari 10 gusa.

Yagize ati “ Ntabwo ari ukubahumanya ni ubwoba bagize , kuko umwana umwe mu bariye kuri icyo gisheke yafashwe ataka mu nda, n’abandi bose bakiriyeho batangira gutaka. Ntawahita yemeza ko igisheke cyari gihumanye.Twahoze tuvugana n’ababyeyi babo batubwiye ko ari bazima nta kibazo bafite.”

Sebagabo ayakomeje avuga ko abana bajyanwe ku kigo nderabuzima cya Kayenzi, bakabaha imiti igabanya ububabare ubu bose bakaba batashye iwabo bameze neza.

Yongeyeho ko umwana wari wazanye iki gisheke nawe yakiriyeho kandi we akaba ntacyo yigeze ataka, bikaba bishoboka ko aba banyeshuri ari ubwoba bagize.

[email protected]