Kicukiro: Yasanzwe yimanitse mu mugozi, harakekwa amakimbirane yari afitanye n’umugore we

Yanditswe na Thamimu Hakizimana
Kuya 14 Ukwakira 2019 saa 03:28
Yasuwe :
0 0

Umugabo w’imyaka 27 wari utuye mu Kagali ka Gako, mu Murenge wa Masaka mu Karere ka Kicukiro yasanzwe yiyahuye, bikaba bikekwa ko byatewe n’amakimbirane yari afitanye n’umugore we.

Ku mugoroba wo ku Cyumweru tariki ya 13 Ukwakira 2019, nibwo umurambo w’uyu mugabo wagaragaye mu uri mu mugozi mu cyumba yararagamo.

Mbere y’uko uyu mugabo yiyahura yasize yanditse ibaruwa avuga ko afitanye ibibazo n’umugore we ndetse yamutaye.

Umunyamabanga Nshingwabikorwa w’Umurenge wa Masaka, Nsengiyumva Vincent, yabwiye IGIHE ko Nyakwigendera yari amaze ibyumweru bibiri muri aka gace .

Yagize ati “ Ni umucumbitsi ntabwo yari amaze iminsi muri ako gace, amakuru twamenye n’uko yari amaze ibyumweru bibiri aho ahantu yabaga, bamusanze amanitse mu mugozi mu cyumba.”

Yongeyeho ko uyu mugabo hari n’urupapuro yari yanditse avuga ko yari afitanye ibibazo n’umugore we.

Uyu mugabo ntabwo yari akibana n’umugore we. Bivugwa ko yaje i Masaka asa n’uhunze uwo mugore.

Polisi y’u Rwanda iherutse gutangaza ko abantu 121 bapfuye biyahuye mu mezi icyenda ya 2019, mu gihe ababigerageje bose hamwe ari 205.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza