Icyemezo cyo kuguma mu ngo hirindwa ingendo zitari ngombwa, ni ingingo ya mbere bigaragara ko iri kubahirizwa mu bice bimwe na bimwe.

Kuva mu Mujyi wa Kigali rwagati, no mu bindi mu bice bitandukanye bigana mu nkengero zawo, birigaragaza ko hari abatangiye kubahiriza umwanzuro ubasaba guhagarika ingendo zitari ngombwa.

Ubu abakozi ba leta bose n’abikorera basabwe gukorera mu ngo zabo keretse abatanga serivisi z’ingenzi nk’abaganga.

Ingendo hagati y’imijyi n’uturere tw’igihugu ntabwo zemewe keretse ku bajya kwivuza cyangwa abafite impamvu zihutirwa

Amasoko n’amaduka birafunzwe keretse abacuruza ibiribwa, ibikoresho by’isuku, za farumasi, lisansi na mazutu n’ibindi bikoresho by’ibanze.

Za moto ntabwo zemerewe gutwara abagenzi ndetse utubari twose turafunzwe mu bice byose by’Umujyi.

Iki cyemezo cyafashwe na Guverinoma y’u Rwanda, ku mugoroba wo ku wa Gatandatu tariki ya 21 Werurwe 2020, leta ivuga ko gishobora gufasha mu rugamba rwo gukumira no kurwanya ikwirakwira ry’icyorezo cya Novel Coronavirus gihangayikishije Isi muri rusange.

Mu buryo bw’amafoto IGIHE yatembereye mu bice bitandukanye bya Kigali, mu rwego rwo kureba uko itangazo ryaraye risohotse riri kubahirizwa n’abatuye uyu mujyi bivugwa ko wirirwamo abaturage basaga miliyoni ebyiri buri munsi biganjemo abakora ibikorwa by’ubucuruzi.

Kuri iki cyumweru, urujya n’uruza rw’abantu rwagabanutse. Nta bantu benshi biriwe mu mihanda usibye mu duce tumwe na tumwe nka Nyabugogo na Nyamirambo aho wasangaga abantu bagiye guhaha.

Aha ho abantu baramutse ari uruvunganzoka, ku maguriro ari i Nyabugogo bajya kugura ibyo kurya.

Ku rundi ruhande, muri Gare ya Nyabugogo, abagore, abagabo n’abana banyuranyuranagamo n’ibikapu binini ku mugongo bashaka uko basohoka muri Kigali cyane ko ingamba zabasanze mu mujyi.

Sosiyete zitwara abantu mu ntara zose zafunze imiryango, nta modoka ziri muri gare, gusa ku bajya mu bice bya Gicumbi, ho abantu ni benshi bashaka gutaha.

Abo ni abo amasaha yafatiye muri Kigali kuko amabwiriza yo guhagarika ingendo yatangiye kubahirizwa saa Tanu na 59 z’umugoroba ku wa 21 Werurwe 2020.

Ahandi nko ku Kimisagara, mu isoko ryaho ubuzima ni ubusanzwe, abacuruza ibiribwa nibo bari gukora, gusa umuntu wese mbere yo kwinjira ari gusabwa gukaraba ndetse hashyizweho n’abasore bagenzura ko byubahirizwa.

Ahandi nk’i Nyamirambo, mu mihanda yo kwa Mutwe no kuri 40 harimo abantu bake biganjemo abajya guhaha. Mu gihe wa Kigali rwagati usibye amaguriro manini nka Simba Supermarket, ahandi hari hafunguye higanjemo farumasi zitangirwamo imiti.

Uko mu mujyi rwagati hari hameze mu masaha y’igitondo

Umuhanda werekeza ku Serena Hotel uturutse ku biro by'Umujyi wa Kigali

Restaurants mu mujyi rwagati zirafunze

Abaturage benshi bazindutse bajya guhaha

Abantu bagabanutse ku buryo bugaragara mu mihanda ya Kigali

Ahazwi nko kwa Rubangura mu mujyi rwagati ntiwapfa kuhabona ikinyabiziga cyangwa abantu benshi nkuko byari bisanzwe

Farumasi zo ziracyakomeje imirimo nk'uko biteganywa n'icyemezo cya Guverinoma y'u Rwanda

Hanze y'ibitaro bya CHUK hari abantu bake cyane bitandukanye n'uko hari hasanzwe

Ibikoresho byifashishwa mu isuku biracyahari ku bwinshi

Imodoka zitwara ibiribwa n'ibindi bikoresho by'ibanze zo ziri gukomeza imirimo nk'uko bisanzwe

Isangano ry'imihanga riri ku Muhima ahazwi nko kuri Yamaha

Ku Isoko Rikuru rya Nyarugenge urujya n'uruza rw'abantu rwari ruhasanzwe rwagabanutse ku buryo bugaragara

Kuri Kigali City Tower mu mujyi rwagati na ho ni uko hameze

Mu Gakiriro ka Kigali na ho abantu ni bake ugereranyije n'abahahoraga

Mu Mujyi wa Kigali ahazwi nko ku Iposita

Mu Mujyi wa Kigali ahazwi nko kuri Statistique

Mu kigo gitegerwamo imodoka cya Down Town mu mujyi wa Kigali ntiwapfa kuhasanga imodoka

Muri parking ya CHIC hari hasanzwe haba hari ibinyabiziga byinshi ubu haparitse mbarwa

Mu bice bya Nyamirambo

Ibigo by'imikino y'amahirwe bimaze iminsi bishyizweho ingufuri

Farumasi ziri muri serivisi zigomba gukomeza gukora

Isura y’i Nyabugogo

Mu byo abaturage basabwe kwitwararika harimo no guhana nibura intera ya metero iimwe mu gihe baganira

Abakora akazi ko kwikorera imizigo bakomeje akazi kabo

Hari abategereje ko babona imodoka zizabasubiza iwabo mu cyaro

I Nyabugogo ahazwi nko kuri Marathon

Muri Gare ya Nyabugogo abantu bagura amatike abasubiza mu bice by'icyaro bari uruvunganzoka

Muri Gare ya Nyabugogo biragoye ko wasanga imodoka zitwara abagenzi bajya mu ntara zitandukanye

Nyabugogo abantu bagabanutse mu mihanda ariko hari ibikorwa bigikomeje

Ahazwi nko muri Marathon hasanzwe haba hari abantu benshi cyane ariko ubu bagabanutse

Uko i Remera byari byifashe mu masaha ya mu gitondo

Aha kwa Lando hasanzwe hahora imodoka nyinshi zibisikana

I Remera ahazwi nko kuri Corner

Ku marembo ya Stade Amahoro i Remera

Kuri Rond Point yo kwa Lando

Utubari tw'i Remera twafunze

Bimwe mu bice bya Kicukiro mu Mujyi wa Kigali

Kicukiro ahazwi nka Sonatubes nta rujya n'uruza rukiharangwa nk'uko bisanzwe

Kicukiro ahazwi nka Sonatubes nta rujya n'uruza ruhabarizwa

Ku Isoko rya Kimisagara muri Nyarugenge

Ku Isoko rya Kimisagara hari hasanzwe hari umuvundo w abantu bajya guhaha ariko ubu si ko bimeze

Mbere yo kwinjira mu Isoko rya Kimisagara abantu babanza gukaraba intoki

Amafoto: Niyonzima Moïse na Muhizi Serge

Video: Mushimiyimana Azeem