Mu gihe abahoze ari abanyamuryango b’Ikigo cy’igihugu cy’ubwiteganyirize ndetse n’abandi bibaza impamvu amafaranga ahabwa abagiye mu zabukuru atajyana n’ibiciro biri ku isoko, RSSB yagize ibyo ibisobanuro itanga kuri byo.

Ikibazo abenshi bibaza ni ukumenya impamvu Ikigo cy’Ubwiteganyirize mu Rwanda - RSSB (Rwanda Social Security Board) kidatanga pansiyo hakurikijwe agaciro k’ifaranga ku masoko.

RSSB isobanura ko pansiyo yongerwa habanje kwigwa niba bitagira ingaruka ku mutungo rusange w’ikigo cy’ubwishingizi.

Inyigo yakozwe mu 2008, yagaragaje ko niba hadafashwe ingamba, icyahoze ari Isanduku y’Ubwiteganyirize bw’Abakozi (Caisse Sociale du Rwanda) gishobora guhomba, hanatangwa inama ko amafaranga yose asohoka atakongerwa.