Mu kiganiro yagiranye na IGIHE, Meya Ayinkamiye yemeje aya makuru ko yasezeranye n’umukunzi we, avuga ko gusezerana imbere y’Imana bizaba mu cyumweru gitaha.

Ati “Twasezeranye imbere y’amategeko dusezernywa na Meya w’akarere ka Rubavu, ubu hasigaye ubukwe buzaba kuwa Gatandatu mu mugi wa Kigali’’.

Ayinkamiye yavuze ko uwo barushinze asanzwe ari rwiyemezamirimo wikorera ku giti cye.

Gusezerana imbere y’Imana bizaba kuwa Gatandatu utaha tariki 12 Nzeri 2020 kuri St Famille mu Mujyi wa Kigali.

Abageni babanje gukurikirana inama zihabwa abagiye gushyirwa imbere y'amategeko

Meya wa Rubavu Habyarimana Gilbert yemeza indahiro ya mugenzi we wa Rutsiro

Meya wa Rutsiro Ayinkamiye Emerance arahira ko abaye umugore wa Fabrice

Meya wa Rubavu Habyarimana Gilbert ashyira umukono ku nyandiko y'ishyingirwa rya Ayinkamiye

Meya wa Rutsiro Ayinkamiye Emerance ashyira umukono ku isezerano

Nyuma yo gusezerana barebanaga akana ko mu jisho