Ubwo iyi minisiteri yasobanuraga imikoreshereze y’ingengo y’imari ya 2015/2016 inagaragaza ibizakorwa mu myaka ibiri itaha abadepite basabye iyi minisiteri gusubiramo ibi bipimo n’imibare itanga kuko hagaragaramo ikinyuranyo, ikabona kugaruka imbere y’Inteko.

Ku ruhande rwa MINICOM, Minisitiri Kanimba Francois yatangaje ko atahawe amakuru ya nyayo ku mibare yatangarizwaga Inteko, ariko anagaragaza ko ikinyuranyo kigaragara nta gikuba cyacitse ndetse yerekana ubushake bwo gukosora amakosa yagaragaye bakagaruka imbere y’Inteko kuri uyu wa gatatu.

Minisitiri Kanimba yagize ati: “Ntabwo ari ukuvuga ko twananiwe kwerekana uko ingengo y’imali twayikoresheje. Ubusanzwe amafaranga dukoresha aturuka mu ngengo y’imali ya leta, hakaba n’andi aturuka mu baterankunga, nkaba nabonye aho ikibazo cyagaragaye ari mu cyegeranyo cy’amafaranga aturuka mu baterankunga atahuraga neza n’ibyo Ministeri y’imali ifite, tukaba tugiye kubikosora bigahura neza."

Nyuma y’ibyo Minisiteri y’ubucuruzi yasabwe gukosora mu byamurikwaga, imurikwa ry’ibiteganijwe mu ngengo y’imali (budget) ya 2015/2016 irakomeza kuri uyu wa kane mu ngoro y’inteko Ishinga Amategeko.

@samkwizera28