Nk’uko byari biteganyijwe, Mpayimana Philippe yagombaga kwiyamamariza mu turere dutatu twa Ruhango, Nyanza na Huye kuri site za Ntongwe, Ruhango, Nyanza na Rusatira ariko mu Karere ka Ruhango ntiyahageze.

Ahagana saa kumi n’imwe z’umugoroba ni bwo Mpayimana yageze mu Murenge wa Busasamana mu Karere ka Nyanza.

Ibikorwa byo kwiyamamaza Mpayimana Philippe yabitangiriye mu Ntara y’Uburasirazuba ku wa 14 Nyakanga 2017, mu Mirenge itandukanye igize Akarere ka Bugesera.

Mpayimana ageze aho yiyamamariza i Nyanza

Abana ni bo bari bafashe ifoto ya Mpayimana bayitambagiza mu muhanda

Abaturage bari bategereje kumva imigabo n'imigambi ya Mpayimana Philippe

Dr Frank Habineza yakomereje ibikorwa byo kwiyamamaza i Burengerazuba

Umukandida w’Ishyaka Democratic Green Party, Dr Frank Habineza yiyamamarije imbere y’abatuye mu Murenge wa Kanjongo mu Karere ka Nyamasheke, mu Ntara y’Iburengerazuba.

Mu masaha ya saa tanu z’amanywa nibwo uyu mukandida yageze ku kibuga cya kirambo mu mu murenge wa Kanjongo yakirwa n’abanyamuryango b’iri shyaka muri aka Karere n’abandi baturage bari baje kumva imigabo n’imigambi ye.

Ubwo yahageraga hari abaturage babarirwa mu 150 bamwe basa n’abamurebera ahitaruye gusa uko amasaha agenda yicuma umubare wagiye wiyongera.

Habineza yakiriwe n'abagwiriyemo abarwanashyaka ba Green Party mu Karere ka Nyamasheke

Dr Habineza aganira n'umugore we uba wamuherekeje mu bikorwa byo kwiyamamaza

Bamwe mu baturage bakurikiranaga ukwiyamamaza kwa Dr Habineza basa n'aho bamwitaruye