Rwari uruzinduko rwe rwa Mbere muri iki gihugu, aho yahawe umudali w’ishimwe kubera ibyo yakoreye u Rwanda. Rwasojwe kuwa Gatatu.

Mu bihe by’ingenzi byaranze uru ruzinduko, harimo uburyo yakiriwe bidasanzwe n’imbaga y’abaturage b’iki gihugu yari ikikije imihanda y’i Conakry bafite amabendera y’u Rwanda; yeretswe bimwe mu bikorwa remezo bigize iki gihugu ndetse abasha no kugirana ikiganiro n’abanyamakuru kucyo ibihugu byombi bigiye gukorana.

Muri uru ruzinduko hashyizwe umukono ku masezerano y’ubufatanye hagati y’ibihugu byombi aho kuri ubu Guinea yitegura kuza kwigira ku Rwanda uko yateza imbere urwego rwayo rw’ubwikorezi bwo mu kirere.

Perezida wa Guinea yavuze ko yahisemo gukorana na Perezida Kagame nyuma yo kumurangirwa n’abantu batandukanye bamubwiye ko ari umugabo w’icyitegererezo kandi ufite intumbero nziza mu miyoborere ye.

Condé yavuze ko yaba we ndetse n’abatavuga rumwe n’ubutegetsi bwe bazi neza ko u Rwanda ruyobowe neza kurusha uko igihugu cye kiyobowe bityo ko bashaka kwigira ku Rwanda ngo iterambere risakare muri Guinea bihereye mu miyoborere inoze.

Mu mafoto: Ibihe by’ingenzi byaranze uruzinduko rwa Perezida Kagame muri Guinea Conakry

Perezida Kagame yakirwa na Perezida wa Guinée Alpha Condé

Perezida Kagame yakirijwe imbyino gakondo

N'abana bari benshi ku muhanda baje kwakira Perezida Kagame

Mu muhanda mugari i Conakry harimo amafoto ya Perezida Kagame

Imodoka zirimo iyo Perezida Kagame yatwawemo zerekeza mu ngoro y'Umukuru w'Igihugu wa Guinea

Haririmbwa indirimbo zubahiriza ibihugu byombi

Abaturage bamwe bari bitwaje amabendera y'u Rwanda

Abakuru b'ibihugu byombi baginze n'amaguru basuhuza abaturage

Ibyishimo byari byose ku baturage

Perezida Kagame yambitswe umudali w'ishimwe

Hashyizwe umukono ku masezerano y’imikoranire hagati y’ibihugu byombi

Hasinywe amasezerano y'ubufatanye hagati y'ibihugu byombi

Perezida Kagame mu kiganiro n’abanyamakuru

Perezida Condé yavuze ko u Rwanda rwateye imbere mu mfuruka zose

Abanyamakuru babaza ibibazo

Hari ibitangazamakuru binyuranye

Perezida Kagame yasuye ibikorwa bitandukanye

Perezida Kagame asobanurirwa imikorere ya rumwe mu nganda yasuye

Bolloré ni imwe mu makompanyi akorera muri Guinée yasuwe na Perezida Kagame

Perezida Kagame yasuye ibikorwa by'iterambere binyuranye

Perezida Paul Kagame na Alpha Condé berekwa ibikorwa binyuranye mu ruganda

Perezida Kagame asoza uruzinduko rwe

Perezida Alpha Condé asezera kuri Perezida Kagame