Iyo nama y’iminsi ine iri kubera mu mujyi wa New Delhi, yatangiye ku itariki ya 29 Ukwakira 2015 ikaba ibaye ku nshuro ya gatatu, igahuza u Buhinde n’abayobozi ba Afurika n’abahagarariye Guverinoma z’ibihugu byabo.

Usibye kuganira ku mahirwe impande zombi zakungukira mu mikoranire, u Buhinde burashaka kwagura ibikorwa by’ishoramali muri Afurika dore ko buza ku mwanya wa kane nyuma y’u Bushinwa, Amerika n’Umuryango w’Ubumwe bw’u Burayi.

Muri iyo nama u Buhinde bwemereye Afurika inguzanyo ya Miliyari 10 z’amadorali mu myaka itanu iri imbere, ndetse n’imfashanyo ya miliyoni 600 z’amadorali.

Iyo mfashanyo irimo miliyoni 100 zizajya mu kigega cy’u Buhinde na Afurika cy’Iterambere, miliyoni 10 zizajya mu kigega cy’u Buhinde na Afurika cy’ubuzima na buruse 50 000 zigenewe abanyeshuri bo muri Afurika mu myaka itanu.

Bivugwa ko u Buhinde bushaka amajwi mu bihugu 54 bya Afurika yo kugira icyicaro gihoraho mu kanama gashinzwe amahoro ku isi, UNSC.

Minisitiri w'Intebe Murekezi (uwa gatatu uhereye i bumoso) ari kumwe n'abandi bakuru ba za Guverinoma

Ministiri w'Intebe Anastase Murekezi mu nama y'u Buhinde na Afurika