Amakuru avuga ko uyu mugabo ukekwaho gukora iki cyaha yari asanzwe yotsa inyama mu Mudugudu wa Rugarama mu Kagari ka Remera.

Umunyamabanga Nshingwabikorwa w’Umurenge wa Nyamabuye, Nshimiyimana Jean Claude, agaruka ku byakozwe n’uyu mugabo yagize ati “Kugeza ubu arakekwaho icyo cyaha cyo gusambanya uwo mwana uretse ko twavuga ko kitaramuhama kuko inzego zibishinzwe zitarabyemeza.”

Yavuze ko aya makuru bayamenye bayabwiwe n’umuryango w’uyu mwana. Yongeyeho ko uyu mwana yahise ajyanwa ku Bitaro bya Kabgayi kugira ngo akorerwe isuzuma, mu gihe uyu mugabo we yahise atabwa muri yombi akaba afungiyekuri sitasiyo ya RIB ya Nyamabuye.