Musanze: Abapolisi 25 bahawe umukoro wo kunoza inshingano zo kugarura amahoro ahabaye imvururu

Yanditswe na N.Kubwimana Janvière
Kuya 21 Ukwakira 2019 saa 05:55
Yasuwe :
0 0

Abapolisi b’u Rwanda 25 bahawe umukoro wo kugarura ituze mu bice bigaragaramo ibibazo imvururu, mu gihe bazaba bagiye mu butumwa bw’amahoro hirya no hino ku Isi.

Uyu mukoro bawuhawe kuri uyu wa Mbere ubwo hatangizwaga amahuurwa mu kigo cy’Igihugu cy’amahoro giherereye i Nyakinama mu Karere ka Musanze, azamara ibyumweru bibiri.

Aya mahugurwa agamije kubongerera ubumenyi ku myitwrire ikwiye ku baranga mu gihe bari mu butumwa bw’amahoro.

Bamwe mu bitabiriye aya mahugurwa bavuga ko biteguye kuyigiramo byinshi bizabafasha kunoza akazi kabo no kurushaho kugakora kinyamwuga.

IP Theophile Rwamanywa yagize ati “Gukora kinyamwuga ni ukumenya ngo natabara nte abahuye n’ibibazo by’intambara, kumenya uko wahugura abapolisi bagenzi bawe b’aho tuzaba dukorera n’uburyo wakwitwara mu gihe uhuye n’ibihe bidasanzwe, ibi nibyo twiteguye kwigira muri aya mahugurwa”

IP Alice Berunga yongeyeho ati “Nk’uko turimo kwitegura kujya mu butumwa bw’amahoro, aya mahugurwa azadufasha kumenya uko twahura n’abandi tuzaba dusanzeyo n’uburyo twakorana tugamije kugarura amahoro ahabaye intambara nk’uko igihugu cyacu gisanzwe gitabara ahabaye ibibazo by’intambara”.

Umuyobozi w’Ikigo cy’Igihugu cy’Amahoro (Rwanda Peace Academy) Col Jill Rutaremara, watangije aya mahugurwa ku mugaragaro, yasabye aba bapolisi kurangwa n’imyitwarire myiza no kunoza inshingano zabo mu butumwa bazaba bagiyemo.

Yagize ati “Bagomba kumenya imyitwarire ibaranga aho bakorera, bakumva neza inshingano zabo, tuzanabigisha kumenya aho bakorera ku buryo n’iyo yagenda akabura ikirere yakwifashisha ibyuma bimuyobora agasubira aho yavuye”.

Yakomeje avuga ko bazanigishwa kumenya kuvuga no gutanga amaraporo n’ibindi bizabafasha kwitwara neza mu kazi kabo mu butumwa bw’amahoro.

Aya mahugurwa yateguwe n’Ikigo cy’Igihugu cy’Amahoro ku bufatanye n’Ikigo cy’Umuryango w’Abibumbye gishinzwe amahugurwa n’ubushakashatsi (UNITAR).

Abapolisi 25 barimo guhabwa amahugurwa azabafasha mu butumwa bwo kugarura amahoro
Abapolisi barimo guhugurirwa mu ishuri ry'amahoro i Musanze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza