Umuvugizi w’ishami rya Polisi rishinzwe umutekano wo mu muhanda CIP Emmanuel Kabanda yemeje ko iyi mpanuka y’imodoka ya Prado ifite Plaque RAA 643E, yahitanye Nzarora Claude, umushoferi wari uyitwaye, abandi bagenzi batatu bari kumwe bagakomereka bikomeye, bakajyanwa mu bitaro bya Kigali CHUK.

Yagize ati “Impanuka yatewe n’uko imodoka yarenze umuhanda. Ni umushoferi wapfuye gusa kuko abandi bakomeretse, ariko bahise bajyanwa muri CHUK”.

CIP Kabanda avuga ko polisi ikomeje iperereza ngo hamenyekane neza icyateye iyo modoka kurenga umuhanda, gusa umwe mu bari bayirimo avuga ko yatewe no gucika feri.