Iyo kamyo yaguye mu muhanda Huye- Nyamagabe mu Murenge wa Kamegeri aho umuhanda uherutse kwangizwa n’imvura nyinshi yaguye.

Umunyamabanga Nshingwabikorwa w’agateganyo w’Umurenge wa Gasaka, Sebintu Jean de Dieu, yabwiye IGIHE ko amakuru y’ibanze bamaze kumeya ari uko iyo mpanuka yabaye hagati ya saa munani na saa cyenda z’ijoro ryakeye.

Yakomeje avuga ko bigaragara ko iyo kamyo yashatse kubisikana n’indi modoka, bituma igwa munsi y’umuhanda.

Umuvugizi wa Polisi mu Ntara y’Amajyepfo, SP Theobald Kanamugire, yabwiye IGIHE ko iyo mpanuka yahitanye abantu babiri bari bari muri iyo kamyo.

Ati “Yahitanye abantu babiri barimo umushoferi wari uyitwaye n’undi bari kumwe.”

Yavuze ko kuri ubu Polisi iri mu gikorwa cyo gukura iyo kamyo aho yaguye no kuvanamo abantu yahitanye.

Impanuka y’ikamyo ya rukururana yahitanye abantu babiri

Iyi kamyo yaguye mu muhanda Huye- Nyamagabe mu Murenge wa Gasaka aho umuhanda uherutse kwangizwa n’imvura nyinshi

[email protected]