Yayishyikirijwe kuri uyu wa Kabiri aho atuye mu Murenge wa Gasaka.
Umuyobozi w’Akarere ka Nyamagabe, Uwamahoro Bonaventure, yabwiye IGIHE ko bamuhaye inka nziza ikamwa iri kumwe n’inyana yayo.
Ati “Ni inka ikamwa ifite n’iyayo imeze neza; n’ikiraro cyayo kiravuguruye kimeze neza kandi yahawe n’ubwatsi bwo kuyitaho.”
Uwamahoro akomeza avuga ko bazakomeza no kumukurikirana mu mibereho ye kugira ikomeze kumera neza.
Nyiramandwa w’imyaka 109 yagabiwe inka na Perezida Kagame tariki ya 26 Gashyantare 2019 ubwo yari amaze kumugaragariza ko imwe muri ebyiri yahawe yapfuye indi ikaba itamuha umukamo.
Icyo gihe Umukuru w’Igihugu yahise amubwira ko azamuha indi ikamwa.
Nyiramandwa ni umupfakazi wa Jenoside yakorewe Abatutsi. Yakunze kugaragara ari kumwe na Perezida Kagame baganira iyo yasuye Akarere ka Nyamagabe.
Izindi nkuru wasoma:
– Perezida Kagame yagabiye inka Nyiramandwa w’imyaka isaga 100
Ibitekerezo 0