Mu gikorwa cyo kwibuka Jenoside, abakozi b’iyi minisiteri n’ibigo biyishamikiyeho basuye urwibutso rwa Jenoside rushyinguyemo imibiri ibihumbi 10 , nyuma banatanga ibiribwa, matola, ibikoresho by’isuku ku bantu 10, inka 10 ndetse banatangira kubakira inzu Nyirarubazi Madalina w’imyaka 87.

Abatisboye baremewe bashimye umutima wabibutse, bagaragaza ko ari igikorwa kigiye kubahindurira imibereho.

Umukecuru Nyirarubazi Madarina yagize ati “Inzu mbamo yari ifite amazi y’amaninda akazamuka akagera hejuru umuntu yaza kunsura akavogera, hejuru irava hasi naho amazi agaturuka mu kuzimu akazamuka. Ibi bintu uko nzabifata [nataha inzu nshya] najye simbizi uretse Imana yonyine yo mu ijuru.”

Mukarugwiza Leocadie worojwe inka we yagaragaje ko izamwongerera umusaruro mu buhinzi kuko abonye ifumbire.

Umunyamabanga uhoraho muri MINISPOC, Lt Col Rugambwa Patrice, yavuze ko gufasha abarokotse Jenoside batishoboye biri mu nshingano zabo mu guteza imbere imibereho yabo.

Yagize ati” Iki ni igikorwa cyo gufasha abantu batishoboye barimo abatishoboye barokotse Jenoside yakorewe Abatutsi tubafasha kubarema umutima; mwabonye uriya mubyeyi w’imyaka 87, twashyize ibuye ry’ifatizo ahantu hazubakwa inzu ye ifite agaciro ka miriyoni 10 Frw iteganyijwe kurangira mu mezi ane.”

Iyi nzu izuzura mu gihe cy’amezi ane hamwe n’ibindi bikorwa bageneye abatishoboye barokotse jenoside yakorewe abatutsi bafite agaciro kabarirwa muri miliyoni 15 z’amafaranga y’u Rwanda.

Abatishoboye barokotse Jenoside bahawe inka

Umunyamabanga uhoraho muri MINISPOC, Lt col Rugambwa Patrice, asuhuza Nyirarubazi Madalina ugiye kubakirwa inzu

Ibiryamirwa ni bimwe mu bikoresho byahawe abatishoboye

[email protected]