Nyanza: Bemeza ko abambara impenure ari bo batuma basambana

00:00:00 IGIHE NETWORK

KINYARWANDA

ENGLISH

FRANCAIS

Nyanza: Bemeza ko abambara impenure ari bo batuma basambana

Yanditswe na

Tombola Felicie

Kuya 31 December 2014 saa 08:25

Yasuwe :

Yavuzweho:

Bamwe mu banyeshuri bari mu biruhuko mu karere ka Nyanza mu ntara y’Amajyepfo bavuga ko imyambarire ya bashiki babo mu biruhuko ari yo ituma abacuruzi n’abamotari babibasira bakabasambanya.
Ubwo Ihuriro ry’Abanyamakuru barwanya icyorezo cya SIDA (ABASIRWA) ryasuraga urubyiruko ruri mu rugerero mu murenge wa Busasamana wo mu karere ka Nyanza, ku ya 30 Ukuboza 2014, mu rwego rwo kubasobanurira imyitwarire ibakwiriye mu biruhuko yatuma birinda SIDA , abanyeshuri b’abasore batangaje ko (…)

Bamwe mu banyeshuri bari mu biruhuko mu karere ka Nyanza mu ntara y’Amajyepfo bavuga ko imyambarire ya bashiki babo mu biruhuko ari yo ituma abacuruzi n’abamotari babibasira bakabasambanya.

Ubwo Ihuriro ry’Abanyamakuru barwanya icyorezo cya SIDA (ABASIRWA) ryasuraga urubyiruko ruri mu rugerero mu murenge wa Busasamana wo mu karere ka Nyanza, ku ya 30 Ukuboza 2014, mu rwego rwo kubasobanurira imyitwarire ibakwiriye mu biruhuko yatuma birinda SIDA , abanyeshuri b’abasore batangaje ko imyambarire y’abakobwa iri mu bituma bananirwa kwifata.

Byiringiro Jean Pierre w’imyaka 20 usoje amasomo ye mu by’ubuhinzi avuga ko nta kindi kibarangaza ngo kibashore mu busambanyi uretse imyambarire y’abakobwa.

Yagize “ Twebwe abasore mu biruhuko usanga nta gishya kiturangaza cyatuma dusambana dore ko nta n’amafaranga tubadufite yo guhonga inday a ariko usanga abakobwa bagerageza kwambara utwenda tugaragaza uko bateye kose.”
“Ibyo mbona njye aribyo bituma abamotari n’abacuruzi bashuka abakobwa baba bari mu biruhuko.”

Mahoro Laetitia urangije amasomo by’icungamutungo abna abakobwa babiterwa n’uko mu mashuri baba basa n’ababoshye bigatuma basohoka bagakora ibyo baba bamaze igihe babuzwa.

Yagize ati” usanga abana b’abakobwa bava ku mashuri bagashaka kwifata nk’abamaze igihe hanze bafite akazi, iyo rero bambara utujipo tubagaragaza uko bateye ababasambanya nabo bagira umwete wo kubatereta .”

Umuyobozi w’Ihuriro ry’Abanyamakuru barwanya icyorezo cya SIDA, Bahati Innocent yasabye urwo rubyiruko kuba maso bakirinda SIDA kuko ibyo bifuza kugeraho bitashoboka badafite ubuzima bwiza.

Yagize “ ni muhitamo kugira imyitwarire myiza mu biruhuko mukirinda ubusambanyi, muzagera kure no kubyo mwifuza . ”

Yakomeje asaba urubyiruko kwitonda n’unaniwe kwihanagna agakoresha agakingirizo kuko karinda kwandura SIDA no gutwara inda zitateguwe.Yabasabye kwambara imyambaro ituma bagaraza uburere bahawe itari urukozasoni.

Impenure zituma abifataga bibananira

Abanyamakuru bumvishije urwo rubyiruko inkuru bagiye bakora ku cyorezo cya SIDA bahabwa n’ubuhamya n’umuntu ubana n’ubwandu bwa virusi itera SIDA kugira ngo barusheho kumenya ko SIDA ihari kandi idapimishwa ijisho.

[email protected]