Abanyarwanda b’ingeri zose, abato n’abakuze, abize n’abatarayagejeje kure, impuguke n’inzobere, abasesenguye indimi n’abasesenguye ubundi bumenyi bakomeje guhuriza ku kwamagana iyangizarurirmi ryakozwe n’iyitwa “Inteko Nyarwanda y’Ururimi n’Umuco/RALC” Mwalimu Malonga Pacifique umaze igihe kirekire mu isesengurandimi, nawe yanenze ibyakozwe hahindagurwa bimwe mu biranga Ikinyarwanda.

Mu butumwa bwe yagejeje kuri IGIHE, Mwalimu Pacifique Malonga yagize ati:

“Nyuma yo gukurikirana ibyavuzwe n’ ibyanditswe n’ abantu b’ingeri nyinshi ku bijyanye n’ururimi rw’Ikinyarwanda ndifuza kugira icyo mbivugaho.
Jyewe ndi umunyarwanda w’umwimerere nkaba ndi igikwerere kandi nkaba narize indimi kandi mvuga nkanandika neza ikinyarwanda, igiswahili, igifaransa n’icyongereza.

Ku bijyanye n’ibyifuzo, ibitekerezo, impaka ndetse n’ibisobanuro byagaragaye , ndifuza gusaba Abanyarwanda kungirira icyizere nk’umuntu wize kandi winzobere umaze imyaka mirongo itatu yigisha indimi ndetse akaba yaranditse n’ ibitabo byinshi.

Dore icya mbere nifuje kuvuga no kwisabira abanyarwanda :

• Iyo bigeze ku ndimi nta muntu n’umwe wakwihandagaza ngo avuge ko ari igihangange kurusha abandi
• Ni ngombwa ko twemera ko hari abantu bize kandi basobanukirwa neza n’amategeko cyangwa imikorere y’ururimi
• Icya gatatu ni uko abantu bagomba gucisha make iyo bajya impaka mu bintu ibyo ari byo byose kandi bakubahana kugirango bagere kucyo bifuza kugeraho mu bwumvikane
• Icya kane ni uko nta rurimi na rumwe ruvugwa kimwe na bose, hose aho ruvugwa
• Iyo ufashe “icyongereza cyangwa Igifaransa cyangwa igiswahili” usanga ubyitondeye wasanga hari “ibyongereza, ibifaransa cyangwa ibiswahili” bitandukanye. Nicyo kimwe rero n’ikinyarwanda habaho Igikiga, Ikigogwe,Ikigoyi ndetse usibye na politiki ushatse n’icyitwa Ikirundi, Igihangaza, Ikinyamulenge byose wabyita ‘Ibinyarwanda’.
Iyo bigeze rero mu rwego rwo gushaka ikinyarwanda nyacyo gisukuye “standard” nkuko abazi icyongereza cyangwa igifaransa bavuga nkoresheje iryo jambo:

• Hari amagambo avugwa kimwe ariko atandikwa kimwe ,kimwe nuko hari ayandikwa kimwe ariko ntasobanure kimwe.
• Mu mikoreshereze y’ururimi hari ibigenda bitakara n’ibigenda byiyongera bitewe n’izindi ndimi n’imihindagurikire y’abantu n’ibintu bigezweho bitari bimenyerewe, n’ibindi n’ ibindi.

1. Dusome

 Ngiye kwa Semuhanuka mwene Gatsinzi ka Rucyahana
 Njyana kwa Rucamukibatsi ndebe insina yateye ko zakuze neza
 Cya gikwasi naguhanduje ivunja kiri mu kibo cyawe kirimo ikijumba
 Inguge irebye akabuno kayo ntiyakongera kwirya no kwipfusha ubusa nk’ inkende z’I kabgayi
 Ngaho rero mugende mujyane n’abandi ba mukerarugendo
Ikibo-ibyibo= ni cye ? icyibo?
Ikijumba-ibijumba

Hano K-B

1) Ngiye,njyanye ikibo n’icyizere n’ ikigoryi!
2) Rucyahana, Mukezamfura, Icyeragati, Mukezabatware,icyemezo n’ayandi
3) Intsinzi=Itsinda=Insina,Insanganyamatsiko
4) Icyiza kirigura
5) Inguge igeze habi
6) Ubwatsi bw’I Kabgayi bwarumye

Iyo umuntu asomye neza ukuntu aya magambo yanditse/yanditswe yumva neza ubusobanuro n’inama ngira abantu.
Mu ndimi zose hari ibintu abantu biga kandi bakabyemera kuberako ariko biteye ntagushakisha iyo byavuye kuko mu cyongereza hari aho inyuguti ya “a” bayisoma nka “a” cyangwa nka “e”

Mu gusoza nagirango ibyasohotse mu igazeti ya leta bye gufatwa nk’amahame ahubwo bibe nk’ibitekerezo byo gushotora cyangwa gukirigita ibitekerezo kugirango abantu benshi bagire icyo babivugaho kuko bigaragara ko urubuga ari rugari kandi rufunguye kandi nta kubyihutisha.

Nibarize abakuru:

 Imbwa yarihuse ibyara ibihumye (Ese imbwa irabyara cyangwa irabwagura)

 Imbwa yiganye inka kunnya mu rugo irabizira (Ese inka irannya cyangwa ita amase)

 Ese babyara banjye ba SIMBURUDALI (RI) naMUKARULIZA (RI) ni uko bandika amazina yabo iyo bagiye ku kagari(LI)?
Iknyarwanda rero kimwe n’izindi ndimi zigira ba nyirazo,reka twitonde, twihangane, twige, tubaze neza kuko ’intabaza irira ku miziro’. Profesa Pacifique MALONGA”

Byakiriwe na NTWALI John Williams
[email protected]